સુરતમાં આજે કોરોનાનો આતંક ફરી વધ્યો, બપોર સુધીમાં જ 90 કેસ નોંધાયો, એક દર્દીનું મોત

કિર્તેશ પટેલ, સુરત : શહેરમાં રાંદેર અને અઠવા ઝોનમાં વધુ કોરોના કેસ આવવાનું યથાવત છે. બુધવારે સુરતમાં ૯૦ નવા નોંધાય છે. શહેર-જિલ્લામાં કુલ પોઝિટિવની સંખ્યા ૧૯૬૯૩ થઇ છે. કોરોનાને કારણે વધુ એકનુ મૃત્યુ થતાં કુલ મૃતાંક ૭૯૧ થયો છે. કોરોનાને મ્હાત આપી અત્યાર સુધીમાં ૧૬૧૩૯ લોકો ઘરે પરત ફર્યા છે.

સુરત શહેર અને જીલ્લામાં કોરોના વાયરસના કેસોમાં ઘટાડો થાય તે માટે તંત્ર અથાગ પ્રયાસ કરી રહી છે. તેમ છતાં કોરોનાનો કહેર જાવા મળી રહયો છે. ખાસ કરીને શહેરના કતારગામ, અઠવા અને રાંદેર ઝોનમાં કેસોની સંખ્યા ઓછી થવાના બદલે વધી રહી છે. તે દરમ્યાન બુધવારેબપોર સુધી સુરત શહેરમાં ૭૦ કેસ નોધાયા છે. આ સાથે શહેરમાં ૧૫,૪૯૪ કેસો નોધાઇ ચુકયા છે. જયારે જીલ્લામાં પણ કેસો ઘટી રહ્ના છે. બપોર સુધીમાં ૨૦ કેસ નોધાયા છે. આ સાથે જીલ્લામાં પણ કોરોનાનો પોઝીટીવ આંક ૪,૧૯૯ કેસો નોધાયા છે.

આમ સુરતમાં અત્યાર સુધી કુલ પોઝીટીવ આંક ૧૯,૬૯૩ પર પહોચ્યો છે. જયારે એક ના મોત નિપજતા અત્યાર સુધી ૭૯૧ ના મોત નિપજયા છે. આ ઉપરાંત કોરોનાને મ્હાત આપી મોટી સંખ્યામાં દર્દીઓ સાજા થઇ રહ્ના છે. અત્યાર સુધી કોરોનાને મ્હાત આપી ૧૬,૧૩૯ ર દર્દીઓ સાજા થઇ ઘરે પરત ફર્યા છે.

આ ઉપરાંત સુરત મહાનગર પાલિકા સોશ્યલ ડિસ્ટન્સ ન જાળવનાર, માસ્ક ન પહેરનારા અને સેનેટાઇઝરનો ઉપયોગ ન કરનારાઓને રોજેરોજ દંડ કરી રહી છે. અત્યાર સુધી પાલિકાએ લગભગ ૩૯ હજારથી વધુ લોકો પાસેથી ૧.૭૧કરોડથી વધુનો દંડ વસુલ કર્યો છે. નવા નોધાયેલા કેસોમાં સરકારી કર્મચારીઓ, કાપડના વેપારી સહિત ટેક્ષટાઈલ સાથે સંકળાયેલા કર્મચારીઓ, રત્નકલાકાર તેમજ અન્ય ધંધા વ્યવસાઈઓ સહિત અનેકના કોરોનાના રિપોર્ટ પોઝિટિવ આવ્યા હતા.