આઇસ્ક્રીમના શોખીનો ચેતજો! કાંજુ અંજીર, અમેરિકન ડ્રાયફ્રુટ, વેનીલાના સેમ્પલ ફેલ

સુરત: ગરમીની સિઝનમાં લોકો ઠંડક પડે તેવી વસ્તુઓ વધુ પ્રમાણમાં આરોગતા હોય છે, આવામાં આઇસ્ક્રીમના શોખીનો માટે ચોંકાવનારા સમાચાર છે. સુરતમાં આરોગ્ય વિભાગે સપાટો બોલાવ્યો છે. જ્યાં આરોગ્ય વિભાગ દ્વારા વિવિધ જગ્યાએથી લેવામાં આવેલા આઇસ્ક્રીમના સેમ્પલ ફેલ ગયા છે.

આરોગ્ય વિભાગે દ્વારા શહેરની વિવિધ જગ્યાએથી સેમ્પલ લેવામાં આવ્યા હતા. જે સેમ્પલ ફેલ ગયા હોવાનું સામે આવ્યું છે. આઈસ્ક્રીમમાં મિલ્ક ફેટ પ્રોટીનનું પ્રમાણ ઓછું મળ્યું છે. ઉપરાંત બીઆર રીડિંગ પણ ઓછું મળ્યું છે.

આરોગ્ય વિભાગ દ્વારા શહેરના કતારગામ, ડીંડોલી, ઉધનામાંથી આઇસ્ક્રીમના સેમ્પલ લેવામાં આવ્યા હતા. હનુમંત આઈસ્ક્રીમ,અમરદીપ આઈસ્ક્રીમ, બાલાજી આઈસ્ક્રીમ, ભરકાદેવી આઈસ્ક્રીમના સેમ્પલ ફેલ ગયા છે. સેમ્પલ ફેલ જતાં આરોગ્ય અને ફૂડ વિભાગે ફરિયાદની તજવીજ હાથ ધરી છે.

શહેરની વિવિધ આઇસ્ક્રીમની દુકાનોમાંથી લેવામાં આવેલા સેમ્પલ ટેસ્ટિંગ માટે લેબમાં મોકલવામાં આવ્યા હતા. આ સેમ્પલ લેબની તપાસમાં ફેલ ગયા હોવાનું સામે આવ્યું છે. આઇસ્ક્રિમમા મિલ્ક ફેટ અને પ્રોટીનનું પ્રમાણ ઓછું જણાયું છે.

વિવિધ દુકાનોમાંથી લેવામાં આવેલા કાંજુ અંજીર, અમેરિકન ડ્રાયફ્રુટ અને વેનીલા આઇસ્ક્રીમના સેમ્પલ લેબમાં ફેલ ગયા છે. જે બાદ કસૂરવાર સામે પાલિકાના આરોગ્ય અને ફૂડ વિભાગ દ્વારા એડજ્યુકેટિંગ ઓફિસર સમક્ષ ફરિયાદની તજવીજ હાથ ધરવામાં આવી છે.