સુરત: ભારતમાં પહેલીવાર તૈયાર થયો સોનાની મીઠાઇનો અનોખો હાર: જાણો કિંમત
સુરત સામાન્ય રીતે કોઈપણ તહેવાર હોય તેમાં કંઈક અલગ કરવામાં જાણીતું છે. ત્યારે પાછલા વર્ષે સોનાની મીઠાઈ સમગ્ર વિશ્વમાં પ્રખ્યાત થઈ હતી.
આપણે જે મીઠાઈની વાત કરી રહ્યા છે તે દૂરથી દેખાવમાં તો અન્ય મીઠાઈની જેમ જ લાગશે પરંતુ ફોટા પર દેખાતી આ મીઠાઈ સોનાની બનાવવામાં આવેલી છે. લોકો સોનુ પહેરે છે તેની બચત કરે છે પરંતુ કોઈ ખાતું હોય તેવું ક્યારેય જોવા મળ્યું નથી, જેથી પહેલી વાર જ આવું બન્યું હશે કે સોનાની મીઠાઈનો હાર કોઈ મીઠાઈ દુકાનદારે ગ્રાહકો માટે બનાની હોય.
આ મિઠાઈ હાર આજથી લોકોના વેચાણ માટે આ મુકવામાં આવ્યો છે. પરંતુ પહેલા દિવસેજ હારને સારો પ્રતિસાદ મળી રહ્યો છે. દુકાનમાં હાર જોવા આવેલ પ્રિયાએ જણાવ્યું હતું કે, મને હાર ગમી ગયો છે, અને હું આ હાર ખરીદવા માટે મારા પપ્પા સાથે વાત કરીશ. પરંતુ આ મીઠાઇની દુકાનમાં આવનાર દરેક વ્યકિતની નજરમાં આ હાર વસી જાય છે. પુરા શહેરમાં સોનાની મિઠાઈનો હાર આકર્ષણનું કેન્દ્ર બન્યો છે.
ઉલ્લેખનીય છે કે, આ પહેલા પણ ચંદી પડવાના દિવસે સુવર્ણ ઘારીએ આકર્ષણ જમાવ્યું હતું. સુરતીઓ અંદાજીત 30 કરોડની ઘારી સાથે ભુસુ આરોગતા હોય છે. જોકે કોરોના કારણે લઈને આ વખતે મીઠાઈનું વેચાણ ઓછું છે, પણ મહામારી વચ્ચે લોકોની ઇમ્યુનીટી વધારવા માટે ખાસ સુવર્ણ ઘારી તૈયાર કરવામાં આવી હતી અને આ મીઠાઈ લોકો માટે આકર્ષણનું કેન્દ્ર બની હતી. આ સુવર્ણ ઘારીની કિંમત 9000 રૂપિયે કિલો હતી.