કચ્છની કોયલ ગીતા રબારીએ સુરતમાં ડાયરો કરીને જામો પાડી દીધો, સુરતીઓએ કર્યો નોટોનો વરસાદ

સુરતઃ કચ્છની કોયલ ગીતા રબારીએ સુરતમાં રંગ રાખ્યો હતો. શહેરના હજીરા વિસ્તારમાં યોજાયેલા ડાયરામાં ગીતા રબારીએ જામો પાડી દીધો હતો. આ દરમિયાન અહીં લોકોએ નોટોનો વરસાદ કર્યો હતો. પાટોત્સવ દરમિયાન ડાયરાનું આયોજન કરવામાં આવ્યું હતું. જેમાં ગીતા રબારીએ ત્યાં ડાયરો સાંભળવા માટે આવેલા લોકોને સંગીતની દુનિયામાં લઈ જઈને તરબોળ કરી દીધા હતા.

શહેરના હજીરા વિસ્તારમાં વિસ્તારમાં આવેલા રાજગરો ગામમાં આવેલા મંદિરના પાટોત્સવ પ્રસંગે ડાયરાનું આયોજન કરવામાં આવ્યું હતું. ડાયરામાં ગીતા રબારીનો સુરિલો અવાજ સાંભળીને ત્યાં ઉપસ્થિત લોકોએ રૂપિયાનો વરસાદ કરી દીધો હતો.

ગીતા રબારીએ ડાયરો શરુ થયા પછી અંત સુધી રમઝટ બોલાવી હતી. ડાયરો સાંભળવા માટે આવેલા સ્થાનિકો કચ્છની કોયલનો લાઈવ ડાયરો માણીને ખુશી વ્યક્ત કરી હતી.

સ્ટેજ પર નોટોની થપ્પી લઈને ચઢેલા યુવાનોએ ગીતા રબારીના અવાજ પર ઓવરી જઈને નોટોનો વરસાદ કર્યો હતો.

રસિયો રૂપાળો રંગ.. સહિતના ગીતો ગીતા રબારીએ આ ડાયરામાં ગાયા હતા.

મંદિરના પાટોત્સવ નિમિત્તે આયોજિત કરાયેલા ડાયરામાં મોટી સંખ્યામાં લોકો ઉપસ્થિત રહ્યા હતા.

ગીતા રબારીનો ડાયરો હોવાનું જાણીને આ ડાયરાને લાઈવ માણવા માટે મોટી સંખ્યામાં લોકો ઉપસ્થિત રહ્યા હતા.

ગીતા રબારીના ડાયરાના અંત ભાગમાં આતશબાજી પણ કરવામાં આવી હતી.

ડાયરામાં ઉપસ્થિત લોકોને આ ડાયરો વર્ષો સુધી યાદ રહેશે.