બારડોલી: ગાંધી જયંતીએ નણંદ-ભોજાઈની જોડી બનાવશે અનોખો World Record

કેતન પટેલ, બારડોલી: મહાત્મા ગાંધીજીની 150મી જન્મ જયંતી નિમિતે સરદારની કર્મભૂમિ એવી બારડોલી નગરમાં નણંદ-ભોજાઈની જોડી અનોખો વિશ્વ રેકોર્ડ સર્જશે. બરડોલીથી દાંડી અને પરત બારડોલીનું 100 કિલોમીટરનું અંતર 24 કલાકમાં ઉંધી દોડ લગાવી વિશ્વમાં સર્વ પ્રથમ ગિનિસ બુકમાં રેકોર્ડ અંકિત કરશે.

સરદાર પટેલની કર્મભૂમિ અને સાહસી પ્રવૃત્તિ માટે જાણીતું સુરત જિલ્લાના બારડોલી ખાતે બે યુવતીઓ નવો જ વિશ્વ રેકોર્ડ કરવા નીકળી છે. સંબંધમાં નણંદ-ભોજાઈ એવા બારડોલીન સ્વાતિ ઠાકર અને ટ્વીન્કલ ઠાકર રેકોર્ડ માટે નીકળ્યા છે. રિવર્સ એક્સપિદેશન નામની ઉંધી દોડનો વિક્રમ કરશે. વિશ્વમાં પ્રથમ પ્રયાસ રુપે આ બંને મહિલાઓએ સાહસ કર્યું છે.

સ્વાતીબેન અને તેમના ભાભી રેકોર્ડ બનાવવાનું નક્કી નક્કી કર્યું, અને તેમને માટે તેમના બંને બાળકો પ્રેરણા સ્ત્રોત બન્યા હતા. કારણ થોડા દિવસો અગાઉ તેમના પતિ સાગર સાથે બંને પુત્રોએ સ્કેટિંગમાં રેકોર્ડ કર્યો હતો. જેથી બાળકોથી પ્રેરાઈને ઘરકામની સાથે સાહસ ખેડવાનું નક્કી કર્યું.

ઉંધી દોડના વિક્રમ માટે જનાર બંને મહિલાઓમાં સાગરની બહેન સ્વાતિ પોતે કરાટે કલાસ પણ ચલાવે છે. જ્યારે તેમની પત્ની ટ્વીન્કલબેન પોતે ધૂમકેતુ નામની ડાન્સ એકેડેમી પણ ચલાવે છે. સાથે ગૃહિણી પણ છે. બંને નણંદ ભોજાઈ 24 કલાકમાં બારડોલીથી દાંડી થઈ ગાંધી જયંતીના દિવસે દાંડીથી પરત ફરી બારડોલી ઉંધી દોડ લગાવીને પોતે ગીનીશ બુક ઓફ રૅકોર્ડ માટે દાવેદારી કરનાર છે.