Bardoli Rain: ધોધમાર વરસાદ બાદ બારડોલીની મીંઢોળા નદીમાં પૂરની સ્થિતિ, 100 થી વધુ પરિવારોનું સ્થળાંતર

ગુજરાત પર મેઘરાજા જાણે ક્રોધિત થયા હોય તેમ સતત વરસાદ પડી રહ્યો છે. ત્યાં જ દક્ષિણ ગુજરાતમાં તો સતત વરસાદ વરસતા લોકો મુશ્કેલીમાં મૂકાયા છે. બીજી તરફ ધોધમાર વરસાદે સુરત જિલ્લાની સુરત બગાડી નાખી છે. બારડોલીમાં પણ મુશળધાર મેઘાએ મુશ્કેલી સર્જી છે. બારડોલીની મીંઢોળા નદીમાં પૂરની સ્થિતિ સર્જાઈ સર્જાઇ છે.

બારડોલીમાં પણ મુશળધાર વરસાદ બાદ કોર્ટ સામે, તલાવડી વિસ્તારમાં પાણી ભરાયાં છે. તો કોર્ટ સામે ખાડામાં પાણી ભરાતા લોકોનું સ્થળાંતર કરવાની પણ ફરજ પડી છે. અહીં100થી વધુ પરિવારોનું સુરક્ષિત સ્થળે સ્થળાંતર કરાયું છે. જોકે હાલમાં વરસાદે વિરામ લીધો છે અને નદીના સ્તરમાં ઘટાડો થઇ રહ્યો છે.

તમને જણાવી દઇએ કે, સુરતમાં ગતરાત્રિ દરમ્યાન બારડોલીમાં ભારે વરસાદને પગલે સ્થિતિ બગડી ગઇ હતી. બારડોલી નગરમાંથી પ્રસાર થતી મીંઢોળા નદીમાં પુર જેવી સ્થિતિનું સર્જન થયુ હતું. બારડોલી નગરનાં કોર્ટ સામે તેમજ તલાવડી વિસ્તારમાં મીંઢોળા નદીનાં પાણી ભરાયા હતા. જેના કારણે કોર્ટ સામે ખાડામાં પાણી ભરાતા 100 થી વધુ પરિવારોનું સ્થળાંતર કરવાની ફરજ પડી છે.

જોકે વહીવટી તંત્ર સ્થળાંતર કરે એ પેહલા સ્થાનિકો પોતે જ ખસી ગયા હતા. જેથી મોટી જાનહાની ટળી ગઇ હતી. હાલમાં વરસાદ બંધ હોય જેને પગલે નદીનાં સ્તરમાં ઘટાડો થવા પામ્યો છે. જેથી સ્થાનિક લોકો એ પણ રાહતનો શ્વાસ લીધો છે.

ઉલ્લેખનિય છે કે, બંગાળની ખાડીમાં સક્રિય થયેલું ડિપ્રેશન ઉત્તર પશ્ચિમ તરફ સતત આગળ વધી છત્તીસગઢ અને મધ્ય પ્રદેશના પૂર્વ ભાગોમાં કેન્દ્રીત થયું છે. આ તરફ કચ્છ સરહદે પાકિસ્તાનમાં વેસ્ટર્ન ડિસ્ટર્બન્સ સર્જાયું છે. એ જ કારણ છે કે રાજ્યમાં ફરીથી વરસાદી સિસ્ટમ સક્રિય થઈ છે. જે હજુ બે દિવસ ગુજરાતને ધમરોળશે.