સુરત : વરાછામાં કારખાનામાંથી ચોરાયા 28 લાખના હીરા, કારીગર જ કરી ગયો હતો 'કળા'

કિર્તેશ પટેલ, સુરત : હીરાના કારખાનામાં લાખો રૂપિયાની ચોરીની ઘટના બનતા ખળભળાટ મચી ગયો હતો. વરાછા વિસ્તારમાં આવેલા એક હીરાના કારખાનામા કામ કરતા કારીગરને બોઈલ માટે આપેલા લાખ્ખોની કિંમતના હીરા ચોરી આ કારીગર ફરાર થઇ ગયો હતો. જો કે બનાવની જાણ થતા પોલીસ કાફલો ઘટના સ્થળે દોડી આવ્યો હતો. અને આ ગુનાને અંજામ કોને અને કેવીરીતે આપ્યો તેની તલ સ્પર્શી તપાસ પોલીસે શરુ કર્યા બાદ પોલીસે ગણતરીના કલાકોમાં જ ચોરીનો ભેદ ઉકેલી નાખ્યો હતો.

ઘટનાના સી.સીટીવી ફૂટેજ પણ સામે આવ્યા હતા.જોકે લખોના હીરાની ચોરીના સમાચાર મળતા જ ઘટના સથળે ઊચ્ચ પોલીસ અધિકારીઓનો કાફલો ધસી આવ્યો હતો. સુરતમાં સતત ચોરીની ઘટનાઓ વધી રહી છે. ત્યારે સુરતમાં તૈયાર હીરાની વધુ એક મોટી ચોરી સામે આવતા ચકચાર મચી જવા પામી છે. અને આ ઘટના બનવા પામી છે વરાછા વિસ્તારમાં આવેલ વૃંદાવન એસ્ટેટમાં હીરાના કારખાનામાં.

વરાછા વિસ્તારમાં આવેલું ભિંગરાડીયા બ્રધર્સ હીરાનું કારખાનું કિશોરભાઇ રામજીભાઇ ભિંગરાડીયા છે જેમાં તે રફ હીરા પ્રોસેસીંગનો વ્‍યવસાય કરે છે. કારખાનામાંથી લાખ્ખો રૂપિયાના તૈયાર હીરાની ચોરી થઇ જતા કારખાના માલિકમાં ફફડાટ ફેલાયો હતો. અને સમગ્ર મામલાની જાણ થતા વરાછા પોલીસ દોડતી થઈ ગઈ હતી.

પોલીસે તપાસ કરતા કારખાનામાંથી કુલ  28 લાખનાં હીરાની ચોરી થઇ હોવાનું સામે આવ્યું હતું. અને કારખાના માલિકે આ હીરા કારખાનામાં કામ કરતા કારીગર રાજેશ ઉર્ફે રાજુને આ હીરા બોઈલ કરવા આપ્યા હતા. જે 28 લાખની કિંતનાં હીરા ચોરી ફરાર થઇ ગયો હતો.

વરાછા પોલીસે સમગ્ર ઘટનામાં સીસીટીવી ફૂટેજની તપાસ કરતા આ ફૂટેજનાં આધારે પોલીસે ગણતરીનાં કલાકોમાં જ આરોપી રાજેશ ઉર્ફે રાજુ સિંગબાબુ પાત્રને ઝડપી પાડ્યો હતો. આટલી મોટી ઘટના વાયુ વેગે પ્રસરી જતા સુરત શહેર પોલીસ કમિશ્નરે પણ ઘટના સ્થળ ની મુલાકાત લઇને હકીકત જાણવાનો પ્રયાસ કર્યો હતો.