ACB trap: સુરતમાં DGVCLના લાંચિયા અધિકારીઓ રંગેહાથ પકડાયા, કેમ માંગી હતી લાંચ?

સુરતઃ સુરતમાં વધુ એક વખત એસીબીએ સફળ ટ્રેપ (ACB trap) થઇ છે. મીટરપેટી લગાવી લાઈટ ચાલુ કરી આપવા માટે 35 હજારની લાંચ લેતા ડીજીવીસીએલના (DGVCL) નાયબ ઇજનેર, ઇલેકટ્રીકલ આસીસ્ટન્ટ અને વચેટિયાને એસીબીએ છટકું ગોઠવી ઝડપી પાડ્યા હતા.

સુરતમાં રહેતા એક યુવકની ઓફિસમાં લાઈટ બીલ ભર્યું ન હોવાથી યોગીચોક  ડીજીવીસીએલ સબ ડીવીઝન કચેરીના અધિકારીઓએ ઓફિસમાંથી મીટર પેટી કાઢી લઇ ગયા હતા. અને જો મીટર પેટી ફરીથી લગાવી આપી લાઈટ ચાલુ કરવા માટે નાયબ ઇજનેર મિતેશકુમાર હરીશચંદ્ર પસ્તાગીયાએ 35 હજારની લાંચની માંગણી કરી હતી.

અને તે લાંચની રકમ ઇલેકટ્રીકલ આસીસ્ટન્ટ યોગેશભાઇ લીમજીભાઇ પટેલને આપવા જણાવ્યું હતું.  જે આધારે 35 હજારની માંગ કરી  તે રકમ તેના વચેટિયા વિજયભાઇ ભીખાભાઇ પરમારને આપવા જણાવ્યું હતું.

જો કે આ મામલે એસીબીમાં ફરિયાદ કરવામાં આવી હતી. ફરિયાદને લઈને એસીબીએ છટકું ગોઠવ્યું હતું અને સ્વસ્તિક પ્લાઝા શોપિંગ સેન્ટરમાં આવેલી અવધ મોબાઈલની દુકાન સામે રોડ પર 35 હજારની લાંચ લેતા વચેટિયાને ઝડપી પાડ્યો હતો. અને લાંચની માંગણી કરનારા બંને અધિકારીઓની પણ એસીબીએ ધરપકડ કરી કાયદેસરની કાર્યવાહી હાથ ધરી છે.

ડીજીવીસીએલના કર્મચારીઓ લાંચ લેતા ઝડપાઈ જતા સુરતમાં વધુ એક વખત ચકચાર મચી જવા પામી છે. અગાઉ પણ સરકારી બાબુઓ લાંચ લેતા ઝડપાઈ ગયા છે. ત્યારે સીસ્ટમમાં ભ્રષ્ટાચાર કેટલી હદે ફેલાયો છે. તે આ ઘટના પરથી સાબિત થાય છે.

એસીબીએ કરેલી આ કામગીરી સરાહનીય છે. ત્યારે લોકોને વિનંતી છે કે જો કોઈ પણ વ્યક્તિ લાંચની માંગ કરે તો ડર્યા વગર એસીબીનો સંર્પક કરે જેથી ભ્રષ્ટાચારને નાબુદ કરી શકાય.

જોકે cbl આ તમામ લોકોની ધરપકડ કરી તેમના વિરુદ્ધ કાયદેસરની કાર્યવાહી શરૂ કરી છે સાથે સાથે આ તમામ કર્મચારીઓની અપ્રમાણસર મિલકત ની તપાસનો ધમધમાટ શરૂ કરવામાં આવ્યો છે કહી શકાય સુરતમાં દર અઠવાડિયે આ પ્રકારના સરકારી બાબુઓ લેતા રંગેહાથ ઝડપાઇ છે.