સુરત: ડિઝાઇનર જ્વેલરી અને સ્પોર્ટ્સ કારના શોખીન કરોડપતિ ભાઇ-બહેન લેશે દીક્ષા

સુરતમાં ભાઇ અને બહેન એકસાથે દીક્ષા લેવાના છે. બહેનના દીક્ષા લેવાના નિર્ણય બાદ તેના ભાઇએ પણ આ નિર્ણય લીધો હતો. હાલ આખા શહેરમાં આ બંન્નેની જ વાતો થઇ રહી છે.

સુરતના એક કરોડપતિ કાપડના વેપારીના બંને બાળકો દીક્ષા લઈ સંન્યાસી બનવા જઈ રહ્યા છે. સુરતના વોરા પરિવાર દિવસોમાં ખુબ જ ખુશ છે.

પુત્રને બ્રાન્ડેડ વસ્તુઓ અને સ્પોર્ટસ કારનો શોખ હોવાને કારણે દીક્ષા લેવાના નિર્ણયને બદલવા તેના પિતા અને સબંધીઓએ સ્પોર્ટસ કાર, મર્સિડીઝ કે ઓડી કારની પણ ઓફર આપી હતી. સુરતના માત્ર વીસ વર્ષના યુવાને પિતાની આકર્ષક ઓફર ઠુકરાવીને એક સન્યાસી બનવાનું પસંદ કર્યું છે. પુત્ર અને પિતા વચ્ચેની આ ડીલ સફળ એટલા માટે ન થઈ કારણ કે કરોડપતિ પિતાની આ ડીલથી વધુ આકર્ષક ડીલ યુવકને સન્યાસી જીવનમાં દેખાઇ.

માત્ર પાંચ ચોપડી ભણયા બાદ રાત-દિવસ એક કરીને જે પિતાએ કરોડોની સંપત્તિ બનાવ્યા બાદ ભરતભાઇના બાળકો માટે બનાવી તે બાળકો હવે સંન્યાસ લેવા જઈ રહ્યા છે. પિતા ભરત વોરાએ દીકરીની દીક્ષા માટે તો તૈયારી બતાવી હતી. પરંતુ યશની દીક્ષાને અંગે તેઓ તૈયાર ન હતા.

વોરા પરિવારની પુત્રી આયુષી અને યશ પોતાના કરોડપતિ પિતાની સંપત્તિ અને વૈભવી જીવન ત્યાગી સન્યાસી જીવન જીવવા માટે તત્પર બન્યા છે. બન્ને ભાઈ બહેનો એ 9 ડિસેમ્બરે દીક્ષા લેવાનો પ્રણ કર્યો છે. આયુષીએ ચાર વર્ષ અને ભાઇ યશે બે વર્ષ સંતો સાથે વિહાર પણ કર્યો છે.

યશને લકઝરિયસ કાર ખૂબ જ પસંદ છે જેથી પિતાએ યશને જેગુઆર ઓડી અને મર્સિડીઝ જેવી કરોડોની કાર લાવી આપવાની ઓફર પણ કરી. જેથી યશ સંન્યાસી જીવન છોડીને દે પરંતુ તે માન્યો ન હતો. આગામી 9મી ડિસેમ્બરના સુરતમાં ખુબજ ધામધુમથી ભાઇ બહેનને દીક્ષા આપવામાં આવશે.

ધોરણ 12માં આયુષીએ 75 ટકા પ્રાપ્ત કર્યા હતા. ત્યારબાદ આયુષી આચાર્યશ્રી યશોવર્મસુરીના સાનિધ્યમાં ચાર વર્ષ સુધી મહારાષ્ટ્ર અને ગુજરાતમાં કેટલાક સ્થળો પર વિહાર કર્યો અને અંતે દીક્ષાનો નિર્ણય લીધો. યશ એ પણ ધોરણ 12માં 70 ટકા માર્ક મેળવ્યા હતા અને બે વર્ષ સુધી સંતો સાથે વિહાર કર્યો છે.

યશે પિતાની કરોડોની સંપત્તિ ઠુકરાવવાનો નિર્ણય કર્યો ત્યારે આયુષી એ પણ કપડા ફેશન અને ઝવેરાત નો ખૂબજ શોખ હતો, પરંતુ અચાનક જ આયુષી ને લાગ્યું કે આ બધું તો નશ્વર છે આયુષી એ જણાવ્યું કે જ્યારે તે જૈન મુનિઓ સાથે વિહાર કરવા ગઈ ત્યારે અચાનક જ તેને ભૌતિક વસ્તુઓ પ્રત્યે મોહ હતો તે છૂટી ગયો હતો. આજ કારણ છે કે તે તેને પણ સંયમ જીવન વ્યતિત કરવાનો નિર્ણય કર્યો.