સુરત : CoronaVirusની અસરથી STના મુસાફરોને સુરક્ષિત રાખવા ફિનાઇલથી બસો ધોઈ, નાગરિકો પણ સુરક્ષા જાળવે!

કિર્તેશ પટેલ, સુરત : કોરોના વાયરસનો સમગ્ર વિશ્વમાં હાહાકાર મચી ગયો છે. જ્યાં લોકો વધુ સંખ્યાયામાં એકત્ર થાય છે ત્યાં આ વાયરસ વધુ સક્રિય થાય છે ત્યારે રેલવે સ્ટેશન અને બસ સ્ટેશનને સફાઈ કરવા સાથે લોકોને જાગૃત કરવાની ગાઈડલાઈન હોવાને લઇને સુરત એસટી વિભાગ દ્વારા બસ ડેપો પાર સફાઈ અભિયાન શરુ કરવામાં આવ્યુ હતું.

ખાસ કરીને એસટી માં લોકો મુસાફરી કરે છે ત્યારે બસ માં સવાર કોઈ મુસાફર આ વાઇરસ ની ઝપટમાં આવે નહીં તે માટે ખાસ કરીને તમામ બસને ફિનાઈલથી સાફ કરવા સાથે તેમાં દવાનો છંટકાવ કરવામાં આવ્યો હતો.

જોકે પહેલા ફિનાઈલથી બસ ને સાફ કરવામાં આવી ત્યાર બાદ તેમાં હેન્ડલ અને ખાસ કરીને સીટોને દવા દ્વારા સાફ કરીને જીવજંતુ મૂક્ત કરવામાં આવી હતી.

ST વર્કશોપમાં તમામ જગ્યા પર કચરો સાફ કરી અને જંતુનાશક દવાનો છંટકા કરવામાં આવ્યો હતો જેના કારણે કર્મચારીઓને ઇન્ફેક્શનથી બચાવી શકાય

ST વર્કશોપમાં કામ કરતા કર્મચારીઓ ફરજિયાત વર્કશોપમાં હેન્ડ સેનિટાઇઝ લગાવી અને કામ પરએન્ટ્રી અને એક્ઝિટ આપવામાં આવી છે.