સુરતમાં પાછો કોરોના વકરશે? ચૌટાબજારમાં coronaના નિયમોના લીરે લીરા ઉડ્યા, ખરીદી કરવામાં લોકો ભાન ભૂલ્યા

પ્રજ્ઞેશ વ્યાસ, સુરતઃ દિવાળી પર્વ (Diwali festival) નજીક આવી રહ્ના છે ત્યારે શહેરના બજારોમાં રવિવારે ખરીદી નીકળતા કોરોનાને કારણે ચિંતામાં રહેલા વેપારીઓને આગામી દિવસોમાં વધુ ઘરાકી નીકળવાની આશા બંધાઇ રહી છે. શહેરના ચૌટાબજાર (chautabazar) અને વરાછા રોડના (Varachha road) હીરાબાગ ખાતે ભરાતા બજારમાં આજે મોટી સંખ્યામાં લોકો ઉમટ્યા હતા.  પરંતુ લોકોએ કોવિડ 19ની (covid-19) ગાઇડલાઇનો (corona guideline) જબરજસ્ત ભંગ કર્યો હતો. કોરોનાની ગાઇડલાઇનના આજે ચૌટા બજારમાં લીરે લીરે ઉડયા હતા. કોઇ સોશિયલ ડિસ્ટન્સ નહિ, કેટલીક જગ્યાએ માસ્ક નહિ તેમજ હાથ સાફ કરવા માટે પણ કોઇ વ્યવસ્થા કરવામાં આવી ન હતી. હજારો લોકો રોડપર બેફામ થઇને ખરીદી કરવા નીકળા હતા.

કોરોના મહામારીને કારણે માર્ચના અંતિમ સપ્તાહમાં  લોકડાઉન લાગુ કરાયું હતું. જૂન માસથી અનલોક રૂપે ખુલી રહ્નાં છે. લગભગ છ માસ સુધી શહેરમાં વેપાર-ધંધા બંધ જ રહ્ના હતા. બજારોમાં ખરીદી નહીં નીકળતા વેપારીઓોની હાલત કફોડી બની રહી હતી.

દરમિયાન હવે દિવાળીના તહેવાર  પર્વ આવી રહ્યા છે. હિન્દુઓના મહાપર્વ દિવાળી  નિમિત્તે  લોકો દ્વારા હવે ખરીદી શરૂ થઇ છે. વિવિધ વસ્તુઓો ખરીદવા માટે મહિલા વર્ગમાં જાણીતા ચૌટાબજારમાં આજે રવિવારે ખરીદી માટે મહિલાઓોની ભીડ રહી હતી.

ઍ જ પ્રકારે હીરાબાગ વિસ્તારમાં આવેલા બજારમાં પણ લોકો ખરીદી માટે ઉમટ્યા હતા. રાજમાર્ગ પર ભરાતી રવિવારી બજારમાં પણ હવે ખરીદી કરનારા વધી રહ્યા છે. બીજી તરફ મોલમાં સેલ અને વિવિધ ઓફરો ચાલી રહી છે ઍટલે મોલમાં પણ હવે ખરીદી માટે ધસારો રહ્યા

પરંતુ લોકો ભુલી ગયા છેકે કોરોના હાલમાં સંપુર્ણ પણે સુરત શહેરમાંથી નાબુત નથી થયો અને તહેવારને લઇને મનપા કમિશ્નર દ્વારા ખાસ સુચના આપવામાં આવી છેકે પરિવાર સાથે તહેવાર મનાવો પરંતુ કોરોનાનું સંક્રમણ ઘટાડવા માટે જે જરૂરી છે તે શોસિયલ ડિસ્ટન્સ અને માસ્ક ખુબજ જરૂરી છે. પરંતુ આજે ચૌટા બજારમાં જે દ્રશ્યો દેખાયા છે તે ખરેખર ચિંતાનો વિષય છે.