'ગબ્બર ઇઝ બેક'નાં પોસ્ટરો સાથે પાટીદારોની સંકલ્પ યાત્રા શરૂ, શિવસેનાએ કર્યું સન્માન

રાજદ્રોહ કેસમાં પાટીદાર નેતા અલ્પેશ કથીરિયાના જેલમાંથી બહાર આવી ગયો છે. અલ્પેશના સ્વાગત માટે પાટીદાર અનામત આંદોલન સમિતિના હાર્દિક પટેલ સહિતના નેતાઓ પહોંચ્યા હતા. ત્રણ મહિના અને 20 દિવસના જેલવાસ બાદ પાસ કન્વીનર અલ્પેશ કથીરિયાની જેલ મુક્તિ થઇ છે. વિવિધ ત્રણ કેસોમાં અલ્પેશ કથીરિયાના જામીન મંજૂર કરવામાં આવ્યા છે.

અલ્પેશને મળી તેમના પરિવારજનો ભાવુક થયા હતા. જેલમાંથી બહેર આવતા અલ્પેશને પરિવારજનો તિલક કરી હાર પહેરાવી આવકાર્યો હતો. દરમિયાન પાટીદારોએ જય સરદાર, જય પાટીદારના નારા લગાવ્યા હતા. ભવ્ય સ્વાગત અને પરિવારને મળતા અલ્પેશની આંખોમાં આંસુ આવી ગયા હતા.

અલ્પેશને આવકારવા માટે PAASએ સંકલ્પ યાત્રાનું આયોજન કર્યું છે. જે શહેરના ઉધના દરવાજાથી શરૂ થશે. લાજપોર જેલ બહાર અલ્પેશની મુક્તિને લઈને સવારથી જ પોલીસ બંદોબસ્ત ગોઠવાયો હતો. દરમિયાન<br />હાર્દિક પટેલે અલ્પેશ કથિરિયાને આંદોલનનો નેતા જાહેર કર્યો છે.

ઉધના દરવાજાથી સંકલ્પ યાત્રાની શરૂઆત કરવામાં આવી છે. જેમાં મોટી સંખ્યામાં બાઈક અને કાર લઈને પાટીદારો જોડાયા છે. હાર્દિક પટેલ અને અલ્પેશે સરદાર પટેલ અને બાબાસાહેબ આંબેડકરની પ્રતિમાને પુષ્પાંજલી અર્પી હતી.

અલ્પેશ કથીરિયા, હાર્દિક પટેલ અને ધાર્મિક માલવિયા કાર પર સવાર થઈ લોકોનું અભિવાદન ઝીલ્યું હતું. ગબ્બર ઈઝ બેકનાં પોસ્ટરો સાથે પાટીદારોએ જય સરદાર, જય પાટીદારના નારા લગાવ્યાં હતાં.

પાંડેસરા દલિત સમાજ, મરાઠા સમાજ અને શિવ શેના દ્વારા હાર્દિક પટેલ અને અલ્પેશ કથીરિયાનું સન્માન કરાયું