#YEARENDER 2018: ભારતના આ સ્ટાર્સ ખેલાડી માટે આ વર્ષ રહ્યું નિરાશાજનક

આ વર્ષ સ્પોર્ટ્સ માટે મહત્વનું હતું. કોમનવેલ્થ ગેમ્સ, એશિયન ગેમ્સ સિવાય હોકી વર્લ્ડ કપ જેવી ઘણી મહત્વપૂર્ણ ટૂર્નામેન્ટ આ વર્ષે યોજાઈ હતી. ભારત તરફથી ઘણા સ્ટાર્સે મેડલ જીતીને ઓળખ બનાવી હતી તો ઘણા સ્ટાર્સ આશા ઉપર ખરા ઉતર્યા ન હતા.

સુશીલ કુમાર - ભારત તરફથી બે વ્યક્તિગત ઓલિમ્પિક મેડલ જીતનાર રેસલર સુશીલ કુમાર માટે આ વર્ષ નિરાશાજનક રહ્યું હતું. સુશીલે કોમનવેલ્થમાં ગોલ્ડ મેડલ જીત્યો હતો પણ તેને ત્યાં ટક્કર આપનાર કોઈ દમદાર પહેલવાન હતો. સુનીલ એશિયન ગેમ્સમાં પ્રથમ રાઉન્ડમાં જ હારીને બહાર થઈ ગયો હતો. ટોક્યો ઓલિમ્પિકમાં ફરી એક વખત નસીબ અજમાવવા માંગે છે.

સાક્ષી મલિક - ઓલિમ્પિક મેડાલિસ્ટ સાક્ષી મલિક માટે પણ આ વર્ષ ખાસ રહ્યું ન હતું. સાક્ષી કોમનવેલ્થ ગેમ્સ સાથે એશિયન ગેમ્સમાં પણ પ્રભાવ છોડવા સફળ રહી ન હતી. ગોલ્ડકોસ્ટમાં કોમનવેલ્થમાં બ્રોન્ઝ જીતનાર સાક્ષીએ માન્યું કે તેને માનસિક રીતે મજબૂત થવાની જરુર છે.

ગગન નારંગ - ગગન નારંગ કોમનવેલ્થ ગેમ્સમાં દેશને મેડલ અપાવવામાં નિષ્ફળ રહ્યો હતો. તે 10 મીટર એર રાઇફલ પ્રોનમાં પોતાનો જલવો બતાવી શક્યો ન હતો. આ પછી એશિયન ગેમ્સમાં પણ ભાગ લઈ શક્યો ન હતો.

શ્રીકાંત - નંબર વન ખેલાડી રહી ચૂકેલા બેડમિન્ટન ખેલાડી શ્રીકાંત માટે આ વર્ષ સારું રહ્યું ન હતું. તેણે 2017માં ઇન્ડોનેશિયા ઓપન, ઓસ્ટ્રેલિયા ઓપન, ડેન્માર્ક ઓપન અને ફ્રેન્ચ ઓપનના ટાઇટલ જીતીને ધમાકો મચાવી દીધો હતો. આથી લાગ્યું કે વર્ષ ભર ધમાકો મચાવીને રાખશે પણ આ વખત સતત નિરાશાજનક પ્રદર્શન કરનાર ખેલાડી રહ્યો હતો. તે કોમનવેલ્થ ગેમ્સની ફાઇનલમાં પહોંચવા સિવાય કોઈ ટૂર્નામેન્ટની ફાઇનલ સુધી પહોંચી શક્યો ન હતો. આ ખરાબ પ્રદર્શનના કારણે તે રેન્કિંગમાં આઠમાં સ્થાને આવી ગયો હતો.