ક્યારેક ફાટેલા બૂટ પહેરીને રમવા મજબૂર હતો આ ખેલાડી, હવે ઓસ્ટ્રેલિયામાં રચ્યો ઇતિહાસ

ઝિમ્બાબ્વે ક્રિકેટ ટીમે ઓસ્ટ્રેલિયાને (Australia vs Zimbabwe)શ્રેણીની ત્રીજી અને અંતિમ વન-ડેમાં 3 વિકેટે હરાવીને ઇતિહાસ રચી દીધો છે. ઝિમ્બાબ્વેની ટીમ ઓસ્ટ્રેલિયાને તેના ઘરમાં પ્રથમ વખત હરાવવા સફળ રહી છે. ઝિમ્બાબ્વેની આ ઐતિહાસિક જીતમાં ઓલરાઉન્ડર રેયાર્ન બર્લનું (Ryan Burl) મહત્વનું યોગદાન રહ્યું છે. જેણે પોતાની લેગ બ્રેક બોલિંગથી કાંગારુઓનો એક પછી એક શિકાર કર્યો હતો. બર્લે 3 ઓવરમાં 10 રન આપી 5 વિકેટ ઝડપી હતી. જેમાં આક્રમક બેટ્સમેન ડેવિડ વોર્નર, ગ્લેન મેક્સવેલની વિકેટ સામેલ હતી.(Instagram)

ઝિમ્બાબ્વેએ ટોસ જીતીને ઓસ્ટ્રેલિયાને પહેલા બેટિંગ માટે આમંત્રિત કરી હતી. ઓસ્ટ્રેલિયાની શરૂઆત સારી રહી ન હતી અને નિયમિત અંતરે વિકેટ ગુમાવી હતી. જેના કારણે ઓસ્ટ્રેલિયાની ટીમ 141 રનમાં ઓલઆઉટ થઇ ગઇ હતી. (Instagram)

જવાબમાં ઝિમ્બાબ્વેએ 66 બોલ બાકી રાખીને 7 વિકેટ ગુમાવી લક્ષ્યાંક મેળવી લીધો હતો. ઝિમ્બાબ્વે તરફથી કેપ્ટન રેજિસ ચકાબ્વાએ સૌથી વધારે 37 રન બનાવ્યા હતા. જ્યારે તદિવાનાશે મારુમનીએ 35 રન બનાવ્યા હતા. (Instagram)

ઝિમ્બાબ્વેની જીતમાં 28 વર્ષીય રેયાન બેર્લનો મોટો ફાળો હતો. રેયાન તે જ ખેલાડી છે જે ક્યારેક ફાટેલા બૂટ પહેરીને ક્રિકેટ રમતો હતો. ગત વર્ષે 2021માં કોરોના કાળમાં રેયાન બર્લે સોશિયલ મીડિયા સાઇટ્સ ટ્વિટર પર પોતાના ફાટેલા બૂટનો ફોટો શેર કર્યો હતો. (Instagram)

બર્લે જણાવ્યું હતું કે તેની પાસે કોઇ સ્પોન્સર નથી. જેથી તે ફાટેલા ફૂટ સાંધીને રમે છે. બર્લે આ સાથે મદદની અપીલ કરી હતી કે કોઇ કંપની તેની ઝિમ્બાબ્વેની ટીમને સ્પોન્સર કરી દે. આ પછી શૂઝ બનાવતી એક પ્રખ્યાત કંપનીએ આખી ઝિમ્બાબ્વેની ટીમને સ્પોન્સર કરવાનો નિર્ણય કર્યો હતો. બર્લે 17 બોલમાં 11 રનની ઇનિંગ્સ રમી હતી. તેણે પોતાની ઇનિંગ્સમાં 1 ફોર 1 સિક્સર ફટકારી હતી. (Instagram)