ધોનીને ‘બિહારી’ કહીને ખીજવતો હતો યુવરાજ, એક દિવસ મળ્યો આવો જવાબ!

ટીમ ઇન્ડિયાના વિકેટકીપર અને પૂર્વ કેપ્ટન મહેન્દ્રસિંહ ધોનીની આંતરરાષ્ટ્રીય કારકિર્દીની શરૂઆત ધમાકેદારી રહી હતી. જોકે શરૂઆતના દિવસોમાં ધોનીને ડ્રેસિંગરૂમમાં બિહારી કહીને બોલાવવામાં આવતો હતો. ખાસ કરીને યુવરાજ તેને ઘણો ખીજવતો હતો. ધોની તેને મજાક સમજીને નજરઅંદાજ કરતો હતો. આ વાત બીજા કોઈને નહીં પણ ધોનીએ યુવરાજ સિંહની આત્મકથા ‘ધ ટેસ્ટ ઓફ માઇ લાઇફ’ના લોન્ચિંગ સમયે કહી હતી.

ધોની જ્યારે ભારતીય ક્રિકેટ ટીમનો સભ્ય બન્યો તો જલ્દી ફોર-સિક્સરો ફટકારવા માટે પ્રખ્યાત થઈ ગયો હતો. જોકે મોટા શોટ્સ રમવામાં તે પોતાની વિકેટ પણ ગુમાવી દેતો હતો. આવા સમયે યુવરાજ ખીજવતો હતો કે ફક્ત ફોર-સિક્સર ફટકારવાથી કાઈ ના થાય મેચ જીતાડનારી ઇનિંગ્સ પણ રમવી પડે છે.

જ્યારે ધોનીએ પોતાની આક્રમક ઇનિંગ્સથી મેચ જીતાડવાનું શરૂ કર્યું તો યુવરાજે કહેવાનું શરૂ કર્યું હતું કે અસલી ક્રિકેટ તો ટેસ્ટ મેચમાં જોવા મળે છે.

યુવરાજની આ વાતથી તંગ આવીને ધોનીને ગુસ્સો આવી ગયો હતો અને તેણે વળતો જવાબ આપતા યુવરાજને કહ્યું હતું કે તુ હંમેશા ગુસ્સામાં કેમ રહે છે? માહીની વાત સાંભળી યુવરાજને પોતાની ભુલ સમજાઈ હતી અને પછી બંને સારા મિત્રો બની ગયા હતા.

ધોનીએ અત્યાર સુધી 318 વન-ડેમાં 9967 રન બનાવ્યા છે. આ દરમિયાન તેણે 10 સદી અને 67 અડધી સદી ફટકારી છે. ટેસ્ટ કારકિર્દીમાં ધોની 90 મેચમાં 16 વખત અણનમ રહીને 4876 રન બનાવ્યા છે.