Virat Kohli ની કરોડોની Audi R8 ની હાલત થઇ આવી! પોલીસ સ્ટેશનમાં ખાઇ રહી છે ધૂળ, ફોટો વાયરલ

ભારતીય ટીમના પૂર્વ કેપ્ટન વિરાટ કોહલીને કારનો ખુબ જ શોખ છે, આ વાત સૌ કોઇ જાણે છે. એટલું જ નહીં તે ઓડી ઈન્ડિયાનો બ્રાન્ડ એમ્બેસેડર પણ છે. કોહલી પાસે ખુબ જ સારી અને લક્ઝરી ગાડીઓ છે. પરંતુ તેની એક ઓડી કાર પોલીસ સ્ટેશનમાં ખરાબ હાલતમં ઊભી છે. જો કે કોહલી આ ગાડીનો પ્રથમ માલિક હતો, તે હવે નથી અને તેની ગાડી મહારાષ્ટ્રના પોલીસ સ્ટેશનમાં પાર્ક છે. તમને જણાવી દઈએ કે આ સમગ્ર મામલા છે શું?

વિરાટ કોહલીને ગિફ્ટમાં નવી અને જૂની કારના અપગ્રેડેડ મોડલ મળતા રહે છે. આ સિવાય તે પોતે પણ કાર ખરીદતો રહે છે. આવી સ્થિતિમાં નવી આવે ત્યારે જૂની કાર પણ વેચવી પડે છે. તેથી તેણે 2016માં જૂની ઓડી R8 વેચી હતી. વિરાટની આ જ કાર મહારાષ્ટ્રના પોલીસ સ્ટેશનમાં બેકાર પડી રહી છે. (Photo: Instagram/Automobili Ardent)

આ ગાડી જૂની પેઢીની Audi R8 છે, જે 2012માં કોહલીની માલિકીની હતી. સત્તાવાર રેકોર્ડ મુજબ કોહલીએ તેને 2016માં દલાલ દ્વારા સાગર ઠક્કર નામના વ્યક્તિને 2.5 કરોડ રૂપિયામાં વેચી દીધી હતી. (Photo-Virat Kohli Facebook)

પાછળથી જાણવા મળ્યું કે સાગર ઠક્કર સામે ફોજદારી કેસ નોંધવામાં આવ્યો હતો, જેને પોલીસ શોધી રહી હતી. તેણે વિરાટ કોહલીની ઓડી R8 તેની ગર્લફ્રેન્ડને ગિફ્ટ કરવા માટે ખરીદી હતી. સાગર ઠક્કરે વિરાટ કોહલીની કાર ખરીદી હોવાની માહિતી મળતાં જ પોલીસ સક્રિય બની હતી અને તેની ધરપકડ કરી હતી. (Photo-Virat Kohli Facebook)

સાગર ઠક્કરનું નામ મોટા કૌભાંડમાં સામેલ હતું. પોલીસે તેની ધરપકડ કરી હતી અને તમામ મિલકત અને કાર જપ્ત કરી હતી. (Photo-Virat Kohli Facebook)

એટલા માટે એક સમયે વિરાટ કોહલીના ગેરેજમાં પાર્ક કરવામાં આવતી કરોડોની કિંમતની આ ODR8 હવે પોલીસ સ્ટેશનમાં ખરાબ હાલતમાં પડી છે. જોકે આ ગાડીનો લેટેસ્ટ ફોટો નથી. આ કાર ક્યાં છે તે હાલમાં જાણી શકાયું નથી. (Photo-Virat Kohli Facebook)