વિરાટ કોહલીએ ફટકારી 25મી ટેસ્ટ સદી, સાથે જ નોંધાવ્યા 6 રેકોર્ડ

ભારત અને ઓસ્ટ્રેલિયા વચ્ચે રમાઈ રહેલી પર્થ ટેસ્ટના ત્રીજા દિવસે ટીમ ઈન્ડિયાના કેપ્ટન વિરાટ કોહલીએ 25મી સદી ફટકારી છે. કોહલી આ સીરીઝની પહેલી ટેસ્ટમાં સફળ નહોતો રહ્યો અને સસ્તામાં આઉટ થયો હતો, પરંતુ પર્થ આવતાં તે તેણે કમાલ કરી દીધો. ભારતે 8 રનમાં 2 વિકેટ ગુમાવ્યા બાદ કોહલીની આ ઇનિંગ ટીમ ઈન્ડિયા માટે ખૂબ જ ઉપયોગી પૂરવાર થઈ. આ સદી સાથે કોહલીએ અનેક રેકોર્ડ બનાવી દીધા.

તે સૌથી ઝડપી 25 ટેસ્ટ સદી ફટકારવામાં ભારત તરફથી નંબર 1 સ્થાન પર તો દુનિયામાં બીજા નંબરે પહોંચી ગયો છે. કોહલીએ 127 ઇનિંગમાં 25 ટેસ્ટ સદી ફટકારી છે. બીજી તરફ, ડોન બ્રેડમેને 68 ઇનિંગ, સચિન તેંડુલકરે 130 ઇનિંગ, સુનીલ ગાવસ્કરે 138 ઇનિંગમાં અને મેથ્યૂ હેડને 139 ઇનિંગમાં આ સ્થાન મેળવ્યું હતું.

કોહલીની ઓસ્ટ્રેલિયા સામે ટેસ્ટમાં આ સાતમી સદી છે. ઓસ્ટ્રેલિયા વિરુદ્ધ ભારત તરફથી તેંડુલકરે સૌથી વધુ 11, ગાવસ્કરે 8 અને કોહલીએ 7 સદી કરી છે.

છેલ્લા 70 વર્ષોમાં માત્ર બે મહેમાન ટીમોના બેટ્સમેને ઓસ્ટ્રેલિયાની ધરતી પર 6 સદી કરી છે. તેંડુલકરે સચિનના નામે 7 સદી છે.

કોહલીએ 2018માં 5 ટેસ્ટ સદી ફટકારી જેમાંથી ચાર સેન્ચુરીયન, એજબેસ્ટન, ટ્રેંટ બ્રીજ અને પર્થમાં કરી.

કોહલીએ એક કેલેન્ડર યરમાં દક્ષિણ આફ્રિકા, ઇંગ્લેન્ડ અને ઓસ્ટ્રેલિયામાં સદી કરનારો પહેલો એશિયન બેટ્સમેન બની ગયો છે. પર્થમાં સદી કરનારા છેલ્લા બે ભારતીય તેંડુલકર 1992 અને કોહલી 2018 છે.

કોહલીના નામે 2018માં 11 આંતરરરાષ્ટ્રીય સદી ગઈ ગઈ છે. એક વર્ષમાં સૌથી વધુ 12 સદી કરવાનો રેકોર્ડ તેંડુલકરના નામે છે જે તેણે 1998માં નોંધાવ્યો હતો. કોહલીએ 2017માં પણ 11 સદી કરી હતી. આ પ્રકારે તેણે બે વર્ષમાં 22 સદી ફટકારી છે.