VINOD KAMBLI: સચિન સાથે ભાઈબંદી તૂટી, સિદ્ધૂ સાથે ગાળાગાળી અને હવે પત્નીને કઢાઈ મારી દીધી, કાંબલીનાં કાંડ

પૂર્વ ભારતીય ક્રિકેટર 51 વર્ષીય વિનોદ કાંબલી અને તેની પત્ની પર 2015માં તેમની નોકરાણી દ્વારા મારપીટ કરવાનો આરોપ હતો. ત્યારે નોકરાણીએ કહ્યું હતું કે જ્યારે તેણીએ પગારની માંગણી કરવા માટે બંનેનો સંપર્ક કર્યો ત્યારે કાંબલી અને એન્ડ્રીયાએ તેની મારપીટ કરી અને ત્રણ દિવસ સુધી તેને રૂમમાં બંધ રાખી હતો. ત્યાર પછી સોની નામની નોકરાણીએ બંને વિરુદ્ધ FIR નોંધાવી હતી. (ઇન્સ્ટાગ્રામ)

વર્ષ 2015માં વિનોદ કાંબલીએ પૂર્વ ક્રિકેટર નવજોત સિંહ સિદ્ધુ સાથે દુર્વ્યવહાર કર્યો હતો. ત્યારે કાંબલીએ ભારતમાં ટીવી કાર્યક્રમોમાં પાકિસ્તાનના ભૂતપૂર્વ ક્રિકેટરોને સામેલ કરવા પર નારાજગી વ્યક્ત કરી હતી. અને એ દરમિયાન તેણે સિદ્ધુને તેની 'બક બક' બંધ કરવા કહ્યું. આ સાથે તેના દ્વારા પાકિસ્તાનના પૂર્વ ક્રિકેટર રમીઝ રાજા સાથે પણ દુર્વ્યવહાર કરવામાં આવ્યો હતો. કાંબલીએ પાછળથી કહ્યું હતું કે તેના ટ્વિટર હેન્ડલ પરથી તેના મિત્રએ આ ટ્વિટ કર્યું હતું. જો કે તે પછી તેણે પોતાની ટ્વીટ ડિલીટ કરી દીધી હતી. (Instagram)

2013માં ક્રિકેટને અલવિદા કહેતી વખતે સચિન તેંડુલકરે વિનોદ કાંબલીનું નામ પણ લીધું ન હતું. જો કે, પાછળથી કાંબલીને ખૂબ જ દુઃખ થયું કે સચિને તેને વિદાય સમારંભમાં આમંત્રણ પણ ન આપ્યું. (Instagram)

વિનોદ કાંબલીએ વર્ષ 2009માં  ટીમ ઈન્ડિયા પર ભેદભાવનો આરોપ લગાવ્યો હતો. ટીવી શો 'સચ કા સામના'માં તેણે કહ્યું હતું કે જ્યારે તે ખરાબ તબક્કામાંથી પસાર થઈ રહ્યો હતો ત્યારે તેના મિત્ર સચિન તેંડુલકરે તેની મદદ કરી ન હતી. કાંબલીએ કહ્યું કે જો સચિન ઈચ્છતો હોત તો તેની ક્રિકેટ કારકિર્દી લાંબી થઈ શકત પણ એવું બન્યું નહોતુ. (Instagram)

વર્ષ 2010માં કાંબલીએ મોડલ એન્ડ્રીયા સાથે કોર્ટ મેરેજ કર્યા હતા. વિનોદ કાંબલીએ એન્ડ્રીયા હેવિટ સાથે બે વાર લગ્ન કર્યા છે. પહેલા તેઓએ કોર્ટમાં લગ્ન કર્યા, ત્યારબાદ બંનેએ વર્ષ 2014માં ચર્ચમાં પરંપરાગત રીતે લગ્ન કર્યા. (Instagram)

વિનોદ કાંબલીએ ભારત માટે 17 ટેસ્ટ અને 104 વનડે રમી હતી. ટેસ્ટમાં તેના 1084 રન છે જ્યારે વનડેમાં તેણે 2477 રન બનાવ્યા છે. એક સમયે સ્કૂલ ક્રિકેટમાં તે સચિન તેંડુલકર સાથે મળીને લાંબી પાર્ટનરશીપ બનાવવાના કને જાણીતો બન્યો હતો. બંને દિગ્ગજો જે તે સમયે પાક્કા ભાઈબંદો માનવમાં આવતા હતા. (Instagram)