બાલ્કનીમાંથી ભાગીને પતિથી બચાવ્યો હતો જીવ, હવે સસ્પેન્ડ થઈ આ ખેલાડી

યૂએફસી ફાઇટર રેચલ ઓસ્તોવિચ (Rachael Ostovich)ને યૂએસ એન્ટી ડોપિંગ એજન્સીએ સસ્પેન્ડ કરી દીધી છે. બે પ્રતિબંધિત દવાનું સેવન કરવા બદલ તેને સસ્પેન્ડ કરવામાં આવી છે. ડૉપિંગ ટેસ્ટમાં તે ઑસ્ટરીન (Ostarine) અને જીડબલ્યૂ 1516 (GW1516)નો ઉપયોગ કરવા બદલ પોઝિટિવ માલુમ પડી છે.

શરુઆતમાં તેણીને એક વર્ષ માટે સસ્પેન્ડ કરવામાં આવી હતી, બાદમાં ચાર મહિના ઓછા કરી દેવામાં આવ્યા હતા. રેચલે વર્ષ 2017માં યૂએફસીમાં ડેબ્યૂ કર્યું હતું. પરંતુ હવે તેના પ્રસંશકોને તેને એક્શનમાં જોવા માટે રાહ જોવી પડશે. 29 વર્ષની આ ફાઇટરની કારકિર્દી ખૂબ જ વિવાદમાં રહી છે.

2018માં રેચલના પતિએ તેને જીવથી મારી નાખવાનો પ્રયાસ કર્યો હતો. તેને ખૂબ મારી હતી. તેના શરીર, મોઢા પર જોરદાર પ્રહાર કર્યો હતો. એક સાક્ષીએ આ ઘટનાનો નવ મિનિટનો વીડિયો રેકોર્ડ કર્યો હતો. જેમાં આ ફાઇટર બૂમો પાડી રહી હતી.

હાલત ખરાબ હોવા છતાં તેણી બાલ્કનીમાંથી ભાગવામાં સફળ રહી હતી. હકીકતમાં પરિવાર સાથે નાઇટ આઉટ પછી રેચલને તેના પતિ આર્નોડ બેરડૉને ખરાબ રીતે મારી હતી. જોકે, તે બાદમાં તેણે પતિથી તલાક લઈ લીધા હતા.

ત્યાર બાદ 2019માં આર્નોડને ઘરેલૂ હિંસા બદલ ચાર વર્ષની સજા સંભળાવવામાં આવી હતી. જ્યારે રેચલ ઓસ્તોવિચ કેરિયર પર ધ્યાન આપવા લાગી હતી, પરંતુ ફરી એકવાર ડૉપિંગ ટેસ્ટમાં ફેલ થતાં તેણીને ઝટકો લાગ્યો છે. (તમામ તસવીરો સાભાર : rachaelostovich)