Tokyo Olympics: એથ્લેટિક્સનો પ્રથમ ગોલ્ડ, સૌથી વધારે મેડલ અને સ્વર્ણિમ યાદો, ટોક્યો ઓલિમ્પિકનું થયું સમાપન

કોવિડ-19 મહામારી વચ્ચે યોજાયેલા ટોક્યો ઓલિમ્પિક્સ (Tokyo Olympics 2020) ની પૂર્ણાહુતી થઇ છે. રવિવારે સમાપન સમારોહ યોજાયો હતો. સમાપન સમારોહ એક વીડિયો સાથે શરૂ થયો જેમાં 17 દિવસની સ્પર્ધાઓનો સાર હતા. (AFP)

ભાલા ફેંક એથ્લેટ નીરજ ચોપડાએ (Neeraj Chopra wins Gold)ઇતિહાસ રચતા દેશને ઓલિમ્પિકમાં એથ્લેટિક્સમાં પ્રથમ ગોલ્ડ મેડલ અપાવ્યો છે. હરિયાણાના રહેવાસી નીરજની જીત પછી જ્યારે ભારતનું રાષ્ટ્રગાન વાગ્યું તો કરોડો દેશવાસીઓ ભાવુક થઇ ગયા હતા. (AP)

બ્રોન્ઝ મેડલ જીતનાર રેસલર બજરંગ પૂનિયાએ સમાપન સમારોહમાં તિરંગો ઉઠાવ્યો હતો. તેની સાથે કેટલાક બીજા ભારતીય ખેલાડીઓ પણ હાજર હતા. જે સેલ્ફી લેતા જોવા મળ્યા હતા. (AP)

અંતિમ અધ્યાયની શરૂઆત સ્ટેડિયમમાં આતશબાજી સાથે થઇ હતી. જેમાં આયોજકોએ ઘણા વ્યક્તિઓનો આભાર વ્યક્ત કર્યો હતો. જેમણે ઓલિમ્પિક ગેમ્સને સમાપન સમારોહ સુધી પહોંચાડવામાં મદદ કરી છે. આ પછી જાપાનના ક્રાઉન પ્રિન્સ અકિશિનો અને આંતરરાષ્ટ્રીય ઓલિમ્પિક સમિતિના અધ્યક્ષ થોમસ બાક આધિકારિક સ્ટેન્ડમાં ઉપસ્થિત હતા. (AFP)

સમાપાન સમારોહના શરૂઆતના વીડિયોમાં ફોક્સ રેકોર્ડ અને સ્કોર પર નહીં પણ તે બધા ખેલાડીઓના સાહસિક પ્રયત્નો પર હતો. જેમણે રોજ કોવિડ-19ની તપાસ કરાવતા સખત બાયો-બબલમાં ભાગ લીધો હતો. સમારોહનો મુખ્ય સંદેશ હતો કે ગેમ્સ એક ઉજ્જવલ ભવિષ્યના દરવાજા ખોલશે. (AFP)

ભારત સાત મેડલ સાથે પોતાનું સર્વશ્રેષ્ઠ પ્રદર્શન કરીને નિશ્ચિત ઉજ્જવળ ભવિષ્ય તરફ જોઈ શકે છે. જેમાં ભાલા ફેંક એથ્લેટ નીરજ ચોપડાએ 13 વર્ષ પછી પ્રથમ ગોલ્ડ અપાવ્યો જે ટ્રેક અને ફિલ્ડ સ્પર્ધામાં દેશનો પ્રથમ મેડલ પણ છે. ટોક્યોમાં ભારતે આ ગોલ્ડ સિવાય 2 સિલ્વર અને 4 બ્રોન્ઝ મેડલ પણ જીત્યા છે.(AFP)