વર્લ્ડ કપ 2015ની જેમ 1999 વર્લ્ડ કપ દરમ્યાન પણ કેટલીએ ટીમના પ્રબંધન તરફથી ખેલાડીઓને પોતાની પત્ની કે ગર્લફ્રેન્ડ સાથે એક રૂમમાં રહેવાની મંજૂરી ન હતી, તેમાં પાક ટીમ પ્રબંધન પણ સામેલ હતું. પાક પ્રબંધન તરફથી પણ ક્રિકેટરોને સખત મનાઈ હતી કે કોઈ પણ ખેલાડી પોતાની પત્ની સાથે એક રૂમમાં ન રહી શકે.
પરંતુ આ વાત પાકિસ્તાનના પૂર્વ ફિરકી બોલર સકલેન મુશ્તાક માટે મુશ્કેલ બની. મુશ્તાક પોતાની પત્નીને પાછો સ્વદેશ જના દેવા માંગતો ન હતો. ત્યારે તેણે આ પગલુ ભર્યું, જેને સાંભળી કોઈના પણ હોશ ઉડી જાય.
ખેલાડીઓ સાથે પત્ની અને ગર્લફ્રેન્ડને યાત્રા કરવાની મંજૂરી પર ચાલી રહેલી ચર્ચા વચ્ચે મુશ્તાકે ખુલાસો કર્યો કે 1999ના વર્લ્ડ કપ દરમ્યાન તેણે પોતાની પત્નીને હોટલના રૂમના કબાટમાં સંતાડી હતી.
જ્યારે સાથી ક્રિકેટરે આ પોલ ખોલી<br />સકલેન મુશ્તાકે જણાવ્યું કે, વર્લ્ડ કપ 1999 દરમ્યાન અમે પત્ની અને પરિવાર સાથે સફર કરી રહ્યા હતા. સેમિફાઈનલ પહેલા ટીમ પ્રબંધને કહ્યું કે, હવે પત્નીને સાથે રાખવાની મંજૂરી નથી. મે મારી પત્ની સનાને કહ્યું કે, તુ ઘરે નહીં જાય અને અહીં જ રહીશ. તે મારી સાથે હોટલના રૂમમાં રહેતી હતી. મેનેજર કે કોચની આવે ત્યારે તેને કબાટમાં સંતાવાનું કહી દેતો હતો.
