આજની IPL હરાજીમાં નહીં હોય આ પાંચ 'ધાકડ' પ્લેયર્સના નામ

ઈન્ડિયન પ્રીમીયર લીગ (આઈપીએલ 2019)ની 11મી સીઝન જેમ-જેમ નજીક આવી રહી છે, તેમ-તેમ તેને લઈને ફેન્સમાં ઉત્સુક્તા વધી રહી છે. આજે આઈપીએલ 2019ની પહેલી હરાજી થશે. નીલામીમાં નવા પ્લેયર્સને ખરીદવા માટે અલગ-અલગ ફ્રેન્ચાઇઝીએ ફેન્સને હવે આકર્ષવાનું શરૂ કરી દીધું છે. જોકે, આવતા વર્ષે યોજાનારા વર્લ્ડ કપના કારણે, એવા અનેક પ્લેયર્સ છે જેમને આ વર્ષે જાતે ટૂર્નામેન્ટથી બહાર નીકળી ગયા છે અને ભારતીય પ્રશંસકોને ચોક્કસ તેમની ગેરહાજરી વર્તાશે. આપને એવા 5 પ્લેયર્સ વિશે જણાવીએ છીએ જે અગાઉની સીઝનમાં મોટી રકમ મેળવતાં હતા પરંતુ આ વર્ષે આઈપીએલમાં સામેલ નહીં થાય.

કોલકાતા નાઇટ રાઇડર્સના પૂર્વ કેપ્ટન ગૌતમ ગંભીર આ મહિને ક્રિકેટના તમામ ફોર્મેટમાંથી નિવૃત્તિ થઈ ગયો. આવનારી સીઝનમાં તેની ગેરહાજરી પ્રશંસકો અનુભવશે. ગંભરી આઈપીએલમાં સતત ઉપસ્થિત રહ્યો છે અને કેકેઆરને બે વાર ટાઇટલ જીતાડ્યા બાદ તે દિલ્હી ડેરડેવિલ સાથે જોડાયો હતો.

ઓસ્ટ્રેલિયાનો ઓલ રાઉન્ડર ગ્લેન મેક્સવેલ ઘણા વર્ષોથી આઈપીએલનો સ્ટાર પ્લેયર રહ્યો છે. પરંતુ પોતાના દેશ માટે વર્લ્ડ કપની તૈયારી કરવા માટે તેણે આ વર્ષે ટૂર્નામેન્ટ છોડવાનો નિર્ણય કર્યો છે. તે દિલ્હી ડેરડેવિલ્સ સાથે હતો, જેને ગઈ સીઝનમાં 9 કરોડ રૂપિયા (લગભગ 1.4 મિલિયન અમેરકિન ડોલર)માં ખરીદવામાં આવ્યો હતો.

ઓસ્ટ્રેલિયાના ટી20 કેપ્ટન એરોન ફિંચ હવે ટસ્ટ પ્લેયર બની ગયો છે અને તેણે આઈપીએલ 2019 છોડવાનો નિર્ણય કર્યો છે. ઓસ્ટ્રેલિયાને ઇંગ્લેન્ડમાં વર્લ્ડ કપામાં ભગ લેવાનો છે અને ત્યારબાદ એશિઝ સીરીઝ પણ છે. ફિંચને કિંગ્સ11પંજાબે 6.2 કરોડમાં ખરીદ્યો હતો.

ઇંગ્લેન્ડના આ ધાકડ બેટ્સમેન જેસન રોયે દુનિયાભરમાં અલગ-અલગ ટી20 સીરીઝમાં રન ફટકાર્યા છે. છેલ્લી સીઝનમાં તેને ડેરડેવિલ્સ ખરીદ્યો હતો પરંતુ એક્સટેન્શન ન આપ્યું. રોયે પણ ઈંગ્લેન્ડને વધુ સમય આપવા માટે આઈપીએલથી વિદાય લીધી છે.

આવતા વર્ષે વર્લ્ડ કપના કારણે આઈપીએલની હરાજીમાં ભાગ લેવા માટે બાંગ્લાદેશ ક્રિકેટ બોર્ડે ફાસ્ટ બોલર મુસ્તફિજુર રહમાનને નો ઓબ્જેક્શન સર્ટિફીક.ટ નથી આપ્યું. તેને ગયા વર્ષે 2.20 કરોડ રૂપિયામાં મુંબઈ ઈન્ડિયન્સે ખરીદ્યો હતો, પરંતુ પ્રભાવશાળી પ્રદર્શન ન આપવાના કારણે તેનો કોન્ટ્રાક્ટ ખતમ કરી દેવામાં આવ્યો હતો.