ઈંગ્લેન્ડમાં હાર્દિકે મચાવ્યો 'હાહાકાર', બનાવ્યા અનેક રેકોર્ડ્સ

હાર્દિક પંડ્યાએ નોટિંધમ ટેસ્ટમાં ઈંગ્લેન્ડની પહેલી પારી દરમ્યાન પાંચ વિકેટ ઝડપી. તેના શાનદાર પ્રદર્શનના કારણે પાંચ મેચની સિરીઝમાં 2-0થી આગળ ચાલી રહેલી ઈંગ્લેન્ડ ટીમ માત્ર 161 રન બનાવી વેરવિખેર થઈ ગઈ. આ દરમ્યાન પંડ્યાએ કેટલાએ રેકોર્ડ પોતાના નામે કર્યા.

હાર્દિક પંડ્યાએ નોટિંઘમમાં પોતાના પહેલા સ્પેલમાં પાંચ ઓવરમાં એક મેડન ઓવર નાખી માત્ર 24 રન આપી પાંચ વિકેટ લીધી. જ્યારે તેણે 6 ઓવરમાં 4.67 ઈકોનોમી રેટથી બોલિંગ કરી અને 28 રન આપ્યા સાથે પાંચ વિકેટ લીધી. આ પહેલા તેણે અત્યાર સુધીમાં રમવામાં આવેલી 9 ટેસ્ટમાં માત્ર 10 વિકેટ લીધી હતી.

નોટિંઘમમાં હાર્દિકે જો રૂટ, જોની બેયરસ્ટો, ક્રિસ વોક્સ, આદિલ રાશિદ અને સ્ટુઅર્ટ બ્રોડને પોતાના શિકાર બનાવ્યા.

આ મેદાન પર હાર્દિક ભારત તરફથી એક પારીમાં પાંચ વિકેટ લેનારો ત્રીજો બોલર બની ગયો છે. આ પહેલા ઝાહીર ખાન અને ભુવનેશ્વર કુમાર આ રેકોર્ડ બનાવી ચુક્યા છે.

હાર્દિક પંડ્યાએ આ ટેસ્ટમાં 29 બોલમાં પાંચ વિકેટ પોતાના નામે કરી છે. ટેસ્ટ ક્રિકેટમાં ભારત તરફથી સૌથી ઓછા બોલમાં પાંચ વિકેટ લેવાના મામલામાં પંડ્યા માત્ર બે બોલથી હરભજન સિંહથી પાછળ રહી ગયો. હરભજને વર્ષ 2006માં કિંગ્સટનમાં વેસ્ટ ઈન્ડિઝ વિરુદ્ધ 27 બોલમાં 5 વિકેટ લીધી હતી.

હાર્દિક ટેસ્ટ ક્રિકેટમાં સદી લગાવવા સિવાય પાંચ વિકેટ લેવાનો રેકોર્ડ સૌથી ફાસ્ટ કરવાના મામલામાં કપિલ દેવ અને સલીમ દુર્રાની સાથે સંયુક્તરૂપે ચોથો ખેલાડી બની ગયો છે. આ રેકોર્ડ આર અશ્વિનના નામે છે, જેણે આવું ત્રણ મેચમાં કરી બતાવ્યું છે. જ્યારે લાલા અમરનાથે ચાર, વીનૂ માકડે 6 અને દત્તૂ ફડકરે સાત મેચોમાં આવું કરી બતાવ્યું છે.

આજ મેદાન પર 2015માં સ્ટુઅર્ટ બ્રોડે ઓસ્ટ્રેલિયા વિરુદ્ધ 19 બોલમાં પાંચ વિકેટ લીધી હતી. જ્યારે હાર્દિક પંડ્યાએ 29 બોલમાં આ રેકોર્ડ પોતાના નામે કર્યો છે.