સાનિયા મિર્ઝાનાં દીકરાની પહેલી ઝલક, માનાં ખોળામાં આવ્યો નજર

ટેનિસ સ્ટાર ખેલાડી સાનિયા મિર્ઝા હાલમાં જ દીકરાને જન્મ આપ્યો છે. તેનાં પિતા અને પાકિસ્તાની ક્રિકેટર શોએબ મલિકે સોશિયલ મીડિયા પર ટ્વિટ કરીને પિતા બન્યાની માહિતી શેર કરી હતી. અને હવે સોશિયલ મીડિયા પર સાનિયા મિર્ઝાનાં દીકરાની સાથેની તસવીરો વાઇરલ થઇ રહી છે.

ફોટોમાં સાનિયા તેનાં દીકરા સાથે નજર આવે છે. તેણે દીકરાને ખોળામાં લીધેલો છે અને તે હોસ્પિટલમાંથી બહાર નીકળી રહી છે. આપને જણાવી દઇએ કે, સાનિયાએ તેનાં દીકરાનું નામ ઇઝાન મિર્ઝા મલિક રાખ્યુ છે.

સાનિયા અને શોએબનું માનવું છે કે, પહેલું બાળક ભગવાનની ભેટ હોય છે. તેથી તેમનાં બાળકનું નામ ઇઝાન રાખવામાં આવ્યું છે જેનો અર્થ થાય છે ભગવાનની ભેટ.

પિતા બન્યા બાદ શોએબ મલિકે ટ્વિટ કરીને લખ્યુ હતું કે, 'ખુબજ ઉત્સુક્તા સાથે જણાવું છુ કે, દીકરો જન્મ્યો છે. મારી વ્હાલીની તબિયત સારી છે અને હમેશાની જેમ તે સ્ટ્રોંગ છે. સાનિયા ઇચ્છતી તીકે ડિલીવરી બાદ તે ઝડપથી કોર્ટ પર પરત ફરે તેનો 2020ની ટોક્યો ઓલંપિક્સમાં રમવાનો પણ પ્લાન છે.'

વર્ષ 2009માં સાનિયાએ તેનાં બાળપણનાં મિત્ર સોહરાબ મિર્ઝા સાથે સગાઇ કરી હતી પણ તે વાત લગ્ન સુધી પહોંચી ન હતી. બાદમાં તેણે વર્ષ 2010માં પાકિસ્તાની ક્રિકેટર શોએબ મલિક સાથે લગ્ન કરી લીધા હતાં. સાનિયા અને શોએબે તેમનાં ટ્વિટર હેન્ડલ પર 23 એપ્રિલ 2018નાં રોજ પ્રેગ્નેન્સીની વાત જાહેર કરી હતી