મહિલા ટેનિસમાં (Tennis) જેણે મોટી નામના મેળવી છે તેવી સ્ટાર ખેલાડી સેરેના વિલિયમ્સની (Serena Williams) બે વર્ષની પુત્રી હાલ ચર્ચાનું કેન્દ્ર બની છે. ઉલ્લેખનીય છે કે 2018માં સેરેના વિલિયમ્સે દિકરીને જન્મ આપ્યો હતો. તે પછી સેરેશા સતત સોશિયલ મીડિયામાં તેના વીડિયો અને તસવીરો મૂકતી રહે છે. સેરેનાએ તેને દિકરીને ઓલિંપિયા નામ આપ્યું છે. ત્યારે ઓલિંપિયાએ (olympia ohanian) બે વર્ષની ઉંમરે જ હાલ મોટું કામ કરી ચર્ચાનું કેન્દ્ર બની છે.
સેરેનાની પુત્રી બે વર્ષની છે. અને તે આટલી નાની ઉંમરે અમેરિકા નેશનલ વુમેન સોકર લીગની ટીમ લૉસ એન્જેલિસની માલિક બની ગઇ છે. સેરેના વિલિયમ્સે સોશિયલ મીડિયામાં ફેન્સને આ અંગે જાણકારી આપી હતી. આ લીગની નવી સીઝન 2022માં શરૂ થશે.
સેરેનાની દિકરી ઓલિંપિયા આ સાથે જ પ્રો સ્પોર્ટસની સૌથી યુવાન માલિક બની ગઇ છે. સેરેનાએ કહ્યું કે તેમને ખુશી છે કે તે અને તેમની પુત્રી સાથે મળીને મહિલાઓના ખેલમાં આગળ લાવવાનો પ્રયાસ કરી રહ્યા છે. અને આ વાત પર તેને ગર્વ છે.
ઉલ્લેખનીય છે કે સેરેના અવાર નવાર તેના સોશિયલ મીડિયા એકાઉન્ટ પર તેની દીકરીની ક્યૂટ તસવીરો શેર કરતી રહે છે. જે વાત તેના ફેન્સને પણ ખૂબ જ ગમે છે.
