T20 World Cupમાં ટીમ ઈન્ડિયાનાં જ બે ખેલાડીઓ વચ્ચે કાંટાની ટક્કર, કોણ મારશે બાજી?

મેલબર્ન: ટીમ ઇન્ડિયા માટે ટી-20 વર્લ્ડ કપ (T20 World Cup) મહત્વનો છે. ગત વર્ષે યુએઈમાં રમાયેલી ટી-20 ટૂર્નામેન્ટની વાત કરીએ તો ભારતીય ટીમ સુપર-12 (Super-12)માંથી બહાર થઈ ગઈ હતી. આવી સ્થિતિમાં આ વખતે કેપ્ટન રોહિત શર્મા (Captain Rohit Sharma) વર્લ્ડ કપ પહેલા કોઈ કમી રાખવા માંગતા નથી. ટી-20 વર્લ્ડ કપ અગાઉ ભારતને ઘરઆંગણે ઓસ્ટ્રેલિયા (Australia) અને સાઉથ આફ્રિકા (South Africa) સામે 3-3 મેચની ટી-20 સિરિઝ (T20 Series) રમવાની છે. એટલે કે આ 6 મેચો સાથે ટીમ પોતાની ખામીઓને દૂર કરવાની તૈયારી કરશે. ઓસ્ટ્રેલિયા સામેની સીરિઝનો પ્રારંભ તારીખ 20મી સપ્ટેમ્બરથી થશે. કાંગારુ ટીમ ટી-20 વર્લ્ડ કપની ડિફેન્ડિંગ ચેમ્પિયન છે. વિકેટકીપર તરીકે કોણ રમશે? રિષભ પંત (Rishabh Pant) અને દિનેશ કાર્તિક (Dinesh Karthik)ને ટી-20 વર્લ્ડ કપ માટે વિકેટકીપર તરીકે ટીમમાં સ્થાન મળ્યું છે. હાલની સીરિઝ આ બંને ખેલાડીઓ માટે મહત્વની છે. જે ખેલાડીઓ આ દરમિયાન સારું પ્રદર્શન કરી શક્યા છે, તેઓ ઓસ્ટ્રેલિયામાં યોજાનારા ટી-20 વર્લ્ડ કપના પ્લેઇંગ-11માં લગભગ કન્ફર્મ થઈ જશે. આ પણ વાંચો: આમાંથી જ એક ટીમ જીતશે T20 વર્લ્ડકપ, ક્રિકેટના ભગવાને કરી દીધી આગાહી, જામશે ખરાખરીનો જંગ 24 વર્ષીય રિષભ પંતની છેલ્લી 5 ટી20 આંતરરાષ્ટ્રીય મેચોની વાત કરીએ તો તે સારી શરૂઆત કરવામાં સફળ રહ્યો હતો. જોકે, ખરાબ શોટ રમવાને કારણે પણ તેની ઘણી વખત ટીકાઓ થઈ ચૂકી છે. તેણે છેલ્લી 5 ઈનિંગમાં નોટઆઉટ 33, 44, 14, 17 અને 20 રન કર્યા હતા. આ દરમિયાન તેનો સ્ટ્રાઇક રેટ 125થી ઉપર હતો. તે જ સમયે 37 વર્ષીય દિનેશ કાર્તિકે આઈપીએલ 2022માં આશ્ચર્યજનક પ્રદર્શન કરીને ભારતીય ટીમમાં કમબેક કર્યું હતું. આ દરમિયાન તેનો સ્ટ્રાઇક રેટ 130ની ઉપર રહ્યો હતો. આઈપીએલ 2022ની વાત કરીએ તો પંતે 14 મેચોની 13 ઈનિંગમાં 31ની એવરેજથી 340 રન બનાવ્યા હતા. સ્ટ્રાઇક રેટ 152 હતો. તેણે 44 રનની બેસ્ટ ઇનિંગ્સ રમી હતી. તેણે ઓવરઓલ ટી-20ની 171 મેચમાં 4301 રન ફટકાર્યા છે. તેણે 2 સદી અને 22 અડધી સદી ફટકારી છે. દિનેશ કાર્તિકે આઇપીએલ 2022માં 16 મેચની 16 ઇનિંગ્સમાં 55ની એવરેજથી 330 રન ફટકાર્યા હતા. તેણે અડધી સદી ફટકારી હતી. આ દરમિયાન તે 10 વખત નોટ આઉટ રહ્યો હતો અને સ્ટ્રાઇક રેટ 183 હતો. તેણે ઓવરઓલ ટી-20ની 369 મેચમાં 27.81ની એવરેજથી 6927 રન ફટકાર્યા છે. 32 હાફ સેન્ચુરી ફટકારી હતી. ટી20 ઇન્ટરનેશનલની વાત કરીએ તો કાર્તિકે 50 મેચમાં 592 રન બનાવ્યા છે. અડધી સદી ફટકારી અને તેનો સ્ટ્રાઇક રેટ 140નો છે. આ સાથે જ પંતે 58 મેચમાં 934 રન બનાવ્યા છે. 3 અડધી સદી ફટકારી હતી. સ્ટ્રાઇક રેટ 126 છે. આવી સ્થિતિમાં બંને વચ્ચે ભારે રસાકસી ચાલી રહી છે. કાર્તિકને 2007ની ચેમ્પિયન ટી-20 વર્લ્ડ કપ ટીમમાં પણ સામેલ કરવામાં આવ્યો હતો.

તમારો જિલ્લો પસંદ કરો

T20 World Cupમાં ટીમ ઈન્ડિયાનાં જ બે ખેલાડીઓ વચ્ચે કાંટાની ટક્કર, કોણ મારશે બાજી?

Sure, you want to exit Theater Mode?

We have more galleries for you.

Explore more Galleries