T20 World Cup : આ વર્લ્ડકપમાં સૌથી વધુ વિકેટ લેનાર ટો-5 બોલર્સ, ભારતનો એક પણ બોલર નથી

ક્રિકેટના T20 ફોર્મેટને બેટ્સમેન (Batsman) માટે વધુ અનુકૂળ માનવામાં આવે છે. પરંતુ હાલના T20 વર્લ્ડ કપ (T20 world cup)માં બોલર્સ (Bowlers) નો જાદુ પણ આકર્ષણનું કેન્દ્ર રહ્યો હતો. ઘણી મેચમાં બેટ્સમેન કરતા બોલર્સ વધુ સફળ સાબિત થયા હતા. આજે અહીં T20 વર્લ્ડ કપમાં સૌથી વધુ વિકેટ લેનાર ટોપ 10 બોલર્સ (Leading Wicket-Takers of the Season)અંગે જાણકારી આપવામાં આવી છે.

વાનિન્દુ હસરંગા (Wanindu Hasaranga)  :  શ્રીલંકાની ક્રિકેટ ટિમ T20 વર્લ્ડ કપમાં કંઈ ખાસ ઉકાળી શકી નહોતી. પરંતુ શ્રીલંકાના બોલર વાનિન્દુ હસરંગાએ ટુર્નામેન્ટમાં ખૂબ સારી બોલિંગ કરી બેટ્સમેનો માટે સમસ્યાઓ ઉભી કરી હતી. 8 મેચમાં તેણે 16 વિકેટ ઝડપી હતી અને સૌથી વધુ વિકેટ લેનારાના ચાર્ટમાં ટોચનું સ્થાન મેળવ્યું હતું.

એડમ ઝમ્પા (Adam Zampa) : ઓસ્ટ્રેલિયાને T20 વર્લ્ડ કપના સફળતા અપાવવા પાછળ એડમ ઝમ્પાનો બહોળો હાથ છે. તે વચ્ચેની ઓવરોમાં બેટ્સમેનો પર બ્રેક લગાવતો રહ્યો અને વિકેટ ઝડપતો રહ્યો હતો. તેણે 7 ઈનિંગમાં 5.81ના ઇકોનોમી રેટથી 13 વિકેટ ઝડપી હતી. તેની એવરેજ 12.07ની રહી હતી.

ટ્રેન્ટ બોલ્ટ (Trent Boult)  : ન્યુઝીલેન્ડનો ઝડપી અને મુખ્ય બોલર બોલ્ટની બોલિંગના ખૂબ વખાણ થયા છે. તેણે પાવરપ્લેમાં રન બનતા અટકાવ્યા હતા. અને ટુર્નામેન્ટમાં મહત્વની વિકેટ લેતો રહ્યો હતો. તેણે 7 ઇનિંગ્સમાં 13.30ની સરેરાશથી અને 6.25ના ઇકોનોમી રેટ સાથે 13 વિકેટ ઝડપી હતી

શાકીબ અલ હસન (Shakib al Hasan) :  T20 વર્લ્ડ કપમાં બાંગ્લાદેશની ટીમનું પ્રદર્શન સારું રહ્યું નથી. પણ ટીમના ઓલરાઉન્ડર શાકીબ અલ હસને શક્ય પ્રયાસ કર્યા હતા. તેણે 6 મેચમાં 11.18ની સરેરાશથી અને 5.59ના ઇકોનોમી રેટ સાથે 11 વિકેટ ઝડપી હતી

જોશ હેઝલવુડ (Josh Hazelwood)  : ઓસ્ટ્રેલિયના ફાસ્ટ બોલર જોશ હેઝલવુડે શાનદાર બોલિંગ કરી હતી. ખાસ કરીને યૂઝીલેન્ડ સામેની ફાઈનલમાં તે એકદમ શાનદાર રહ્યો હતો. 7 મેચમાં તેણે 15.90ની સરેરાશથી અને 7.29ના ઇકોનોમી રેટ સાથે 11 વિકેટ ઝડપી હતી.