T20 World Cup : ભારતીય ટીમની 1983થી લઈને 2021 સુધીની ટી-શર્ટ્સ, 3 દાયકાની સફર 22 તસવીરોમાં

ભારતીય ક્રિકેટ કંટ્રોલ બોર્ડ (BCCI) એ મેગા ઈવેન્ટમાં ટીમ ઈન્ડિયાની નવી જર્સી (Team India New Jersey) લોન્ચ કરી છે. ‘મેન ઈન બ્લ્યૂ’ નવી જર્સી અંગે સોશિયલ મીડિયા પર ફેન્સનો ખૂબ જ ઉત્સાહ જોવા મળી રહ્યો છે. ત્યારે આપણે અહીં 1983થી લઈને 2021ની ટીમ ઇન્ડિયાની જર્સી પર નજર નાંખીશું.

1983  વર્ષ 1983માં કપિલ દેવની કેપ્ટનશીપમાં ભારતીય ટીમે વર્લ્ડ કપ (world cup) જીત્યો હતો. તે સમયે ભારતીય ટીમની ટી-શર્ટનો રંગ સફેદ હતો. સફેદ ટી-શર્ટને હવે ટેસ્ટ મેચની ટી-શર્ટ કહી શકાય છે.

1985 વર્ષ 1985માં ભારતીય ક્રિકેટ ટીમ પહેલી વાર રંગીન ટી-શર્ટ પહેરીને મેદાન પર ઉતરી હતી. તે સમયે ભારતીય ટીમની ટી-શર્ટનો રંગ આસમાની અને પીળો હતો. આ ટી-શર્ટ પર દેશ અને કોઈપણ ખેલાડીનું નામ લખેલું ન હતું.

1992 વર્ષ 1992માં પહેલી વાર વર્લ્ડ કપ રંગીન કપડામાં રમવામાં આવ્યો. 1992ના વર્લ્ડ કપમાં ભારતીય ટીમની ટી-શર્ટનો રંગ ઈન્ડિગો હતો. આ ટી-શર્ટ પર કલરફુલ સ્ટ્રાઈપ્સ હતી. ટી-શર્ટની આગળની બાજુએ ટીમનું નામ અને પાછળની તરફ ખેલાડીનું નામ લખેલ હતું.

1994 વર્ષ 1994માં ભારતીય ટીમ પીળી અને આસમાની રંગની ટી-શર્ટમાં જોવા મળી હતી. ન્યુઝીલેન્ડમાં રમવામાં આવેલ મેચમાં ભારતીય ટીમે આ ટી-શર્ટ પહેરી હતી.

વર્ષ 1996ના વર્લ્ડ કપમાં ભારતીય ટીમે પીળી અને આસમાની રંગની ટી-શર્ટ પહેરી હતી. આ ટી-શર્ટમાં પીળા રંગના કોલર હતા તથા સફેદ અને પીળા રંગની સીધી પટ્ટીઓ હતી.

1998 વર્ષ 1998માં ભારતીય ટીમની ટી-શર્ટમાં ફેરફાર થયો. ભારતીય ટીમ આસમાની કલરની ટી-શર્ટ અને ડાર્ક બ્લ્યૂ લોઅર્સમાં જોવા મળી હતી. ટી-શર્ટની બંને તરફની બાજુએ ત્રિરંગો છાપવામાં આવ્યો હતો.

1999 વર્ષ 1999ના વર્લ્ડ કપમાં ભારતીય ટીમની ટી-શર્ટની ખૂબ જ અલગ ડિઝાઈન હતી. આ ટી-શર્ટમાં પીળા કોલરમાં કાળા કલરની બોર્ડર કરવામાં આવી છે. આ ટી-શર્ટમાં BCCIનો લોગો પણ રાખવામાં આવ્યો હતો. (AFP તસવીર)

2003 વર્ષ 2003ના વર્લ્ડ કપમાં ભારતીય ટીમની ટી-શર્ટની ડિઝાઈન એકદમ બદલાઈ ગઈ. આ ટી-શર્ટની બંને બાજુ કાળા રંગની મોટી પટ્ટીઓ બનાવવામાં આવી હતી. આ ટી-શર્ટમાં ત્રિરંગાની વચ્ચે INDIA લખેલું હોવાથી ખૂબ જ ખાસ લાગી રહી હતી.

2004 વર્ષ 2004માં ભારતીય ટીમની ટી-શર્ટ પર ત્રિરંગાની સાથે સ્પોન્સર સહારાનું નામ પણ લખવામાં આવ્યું હતું.

2007 વર્ષ 2007ના વર્લ્ડ કપમાં ભારતીય ટીમની ટી-શર્ટમાં ત્રિરંગાને વચ્ચે નહીં, પરંતુ ઉપરની તરફ મુકવામાં આવ્યો હતો. INDIA અલગ ફોન્ટમાં લખવામાં આવ્યું હતું.

2007 T20 World Cup વર્ષ 2007ના T20 World Cup માં ભારતીય ટીમે આસમાની રંગની ટી-શર્ટ પહેરી હતી.

[caption id="attachment_1143332" align="alignnone" width="660"] 2009 વર્ષ 2009માં ભારતીય ટીમે ઘાટ્ટા આસમાની રંગની ટી-શર્ટ પહેરી હતી.</dd> <dd>[/caption]

2011 વર્ષ 2011ના વર્લ્ડ કપમાં ભારતીય ટીમે લાઈટ બ્લ્યૂ કલરની ટી-શર્ટ પહેરી હતી. ટી-શર્ટની બંને બાજુએ ત્રિરંગાની સ્ટ્રાઈપ્સ હતી. ટી-શર્ટમાં ઓરેન્જ કલરથી INDIA લખવામાં આવ્યું હતું.

2011 વર્ષ 2011ના વર્લ્ડ કપમાં ભારતીય ટીમે લાઈટ બ્લ્યૂ કલરની ટી-શર્ટ પહેરી હતી

સ્પેશિયલ ટી-20 જર્સી

2015 વર્ષ 2015ના વર્લ્ડ કપમાં ભારતીય ટીમની ટી-શર્ટ આસમાની રંગની હતી અને તેમાં ઓરેન્જ કલરની લાઈનિંગ હતી. આ જર્સી રિસાઈકલ્ડ પ્લાસ્ટિક બોટલમાંથી બનાવવામાં આવી હતી.

2016 વર્ષ 2016માં પુરુષ અને મહિલાની ટીમના ખેલાડીઓની ટી-શર્ટ એકસાથે લોન્ચ કરવામાં આવી હતી. આ ટી-શર્ટ બ્લ્યૂ કલરની હતી.

2018 વર્ષ 2019ના વર્લ્ડ કપમાં ભારતીય ટીમે નારંગી રંગની જર્સી પહેરી હતી. આ ટી-શર્ટ ખૂબ જ અલગ ટેકનોલોજીથી બની હતી.

[caption id="attachment_1143339" align="alignnone" width="670"] 2020 વર્ષ 2020માં ભારતીય ટીમની ટી-શર્ટ ઘાટ્ટા બ્લ્યુ કલરની હતી. ટી-શર્ટના બંને ખભા પર લાઈનિંગ કરવામાં આવી છે. આ ટી-શર્ટના BYJU’S અને MPL સ્પોન્સર છે.</dd> <dd>[/caption]

2021 ભારતીય ટીમની નવી ટી-શર્ટ ઘાટ્ટા બ્લ્યૂ કલરની જ છે, પરંતુ તેની ડિઝાઈન અલગ છે. આ ટી-શર્ટમાં આસામાની રંગની આછી આછી પટ્ટી પણ આપવામાં આવી છે.