PHOTOS: આ છે એવા ક્રિકેટરો જે પોતાની પિતરાઈને જ પરણ્યા, સુખી સંપન્ન છે લગ્ન જીવન

સામાન્ય રીતે ક્રિકેટરોના અંગત જીવનમાં લોકોને ખૂબ રસ પડતો હોય છે. ક્રિકેટરો પોતાના સ્ટેટસ પ્રમાણે પત્નીઓ શોધતા હોય છે અને તેમની સાથે લગ્ન કરે છે. જોકે, કેટલાક ક્રિકેટરો એવા છે કે તેમણે કોઈ સ્ટાર છોકરીઓ સાથે લગ્ન કરવાના બદલે કૌટુમ્બીક છોકરીઓ (cricketers Married to Cousin) સાથે જ લગ્ન કર્યા છે. શાહિદ આફ્રિદીથી લઈને શઇદ અનવર સુધીના ક્રિકેટરોના નામ આમા શામેલ છે.

શાહિદ આફ્રિદી : પાકિસ્તાનના પૂર્વ કેપ્ટન શાહિદ આફ્રિદીના લગ્ન તેની પિતરાઈ સાથે થયા છે. આફ્રિદીની પત્ની નાદિયા તેની પિતરાઈ છે અને તેમના લગ્નને 21 વર્ષ થઈ ગયા છે. અહેવાલો મુજબ તેની મોટી દીકીરીની સગાઈ ફાસ્ટ બૉલર શાહિન શાહ આફ્રિદી સાથે નક્કી થઈ છે.

મોસદ્દીક હોસેન : બાંગ્લાદેશના આ ક્રિકેટરનું નામ છે મોસદ્દીક હોસેન. તેના લગ્ન પણ તેની પિતરાઈ સાથે થયા છે. આ ઓલરાઉન્ડરની પત્ની છે શરમીન સમીરા. જોકે, અહેવાલો મુજબ તેના લગ્ન વર્ષ 2012માં થઈ ગયા હતા જ્યારે તેની ઉંમર 16 વર્ષની હતી.

મુસ્તફીઝુરી રેહમાન : પાકિસ્તાન ઉપરાંત બાંગ્લાદેશા આ ક્રિકેટરે પણ પિતરાઈ સાથે લગ્ન કર્યા છે. આ ક્રિકેટર છે મુસ્તફીઝુર રહેમાન. રહેમાનના લગ્ન તેની પિતરાઈ સમીના પ્રવિન સાથે થયા છે. પ્રવિન ઢાકા યુનિવર્સિટીમાં સાયકોલોજીની વિદ્યાર્થીની હતી. તેમનું લગ્ન વર્ષ 2019માં થયું છે.

સઈદ અનવર : પાકિસ્તાનના પૂર્વ ઓપનર સઈદ અનવરે પણ પિતરાઈ સાથે લગ્ન કર્યા છે. સઈદના લગ્ન પિતરાઈ લુબ્ના સાથે વર્ષ 1996માં થયા હતા.

બાબર આઝમ : આ યાદીમાં એક નામનો ઉમેરો થવાનો છે એ છે બાબર આઝમ. હાલમાં જ અહેવાલો આવી રહ્યા છે કે પાકિસ્તાનના કેપ્ટન બાબર આઝમની સગાઈ તેની પિતરાઈ સાથે નક્કી થઈ ગઈ છે.