T20 World Cup 2022: ઓસ્ટ્રેલિયા નહીં પરંતુ બે દેશ છે વર્લ્ડ ચેમ્પિયન બનવાના પ્રબળ દાવેદાર, જાણો કેમ?

ઓસ્ટ્રેલિયામાં T20 વર્લ્ડ કપ 2022ની શરૂઆત 16 ઓક્ટોબરે નામીબિયા અને શ્રીલંકા વચ્ચેની મેચથી થશે. યજમાન દેશ હોવાની સાથે ઓસ્ટ્રેલિયા ડિફેન્ડિંગ ચેમ્પિયન પણ છે. તેણે ગયા વર્ષે UAEમાં યોજાયેલા T20 વર્લ્ડ કપમાં ન્યૂઝીલેન્ડને હરાવીને ટાઈટલ જીત્યું હતું. પરંતુ, આ વખતે જો આંકડાઓ પર નજર કરીએ તો ઓસ્ટ્રેલિયાનો ખિતાબ જાળવી રાખવાનો દાવો એટલો મજબૂત દેખાતો નથી. તેના બદલે ભારત અને ન્યુઝીલેન્ડની ટીમની ચેમ્પિયન બનવાની આશા વધુ દેખાઈ રહી છે. તેનું કારણ 2022માં ટી20માં આ બંને ટીમોનું શાનદાર પ્રદર્શન છે. (Instagram)

ભારતઃ ટીમ ઈન્ડિયા હાલમાં T20 રેન્કિંગમાં નંબર-1 છે અને તે જ સ્ટેટસ સાથે T20 વર્લ્ડ કપ-2022માં પ્રવેશ કરશે. શું રોહિત શર્માની સેના T20 વર્લ્ડ કપના 15 વર્ષના દુકાળને ખતમ કરી શકશે? તેના માટે તમારે રાહ જોવી પડશે. પરંતુ, ભારતનો ચેમ્પિયન બનવાનો દાવો મજબૂત છે. ભારતે આ વર્ષમાં અત્યાર સુધીમાં સૌથી વધુ 32 T20 રમી છે. જે ડિફેન્ડિંગ ચેમ્પિયન ઓસ્ટ્રેલિયા (14) કરતા બમણું છે. આ 32 મેચોમાંથી ભારતે 23માં જીત અને 8માં હારનો સામનો કરવો પડ્યો છે. એક મેચ અનિર્ણિત છે. ભારતે આ વર્ષે તેની 74 ટકા T20 જીતી છે. (Indian cricket team Instagram)

ન્યૂઝીલેન્ડઃ ન્યૂઝીલેન્ડ હાલમાં ICC T20 રેન્કિંગમાં પાંચમા સ્થાને છે. પરંતુ, આ વર્ષે ચેમ્પિયન બનવાનો તેનો દાવો મજબૂત છે. કેન વિલિયમસનની આગેવાની હેઠળની કીવી ટીમ આ વર્ષે અત્યાર સુધીમાં માત્ર એક જ T20 હારી છે. ન્યૂઝીલેન્ડે આ વર્ષે 10 T20 રમી છે અને તેમાંથી 9 જીતી છે. તેણે આ વર્ષે 90 ટકા T20 જીતી છે. ન્યુઝીલેન્ડ છેલ્લી T20 વર્લ્ડની રનર અપ પણ છે. તેની પાસે T20ના નિષ્ણાત ખેલાડીઓની ફોજ છે. આવી સ્થિતિમાં કિવી ટીમ આ વખતે ચેમ્પિયન બની શકે છે. (New Zealand cricket team Instagram)

ઓસ્ટ્રેલિયાઃ ડિફેન્ડિંગ ચેમ્પિયન ઓસ્ટ્રેલિયા હાલમાં T20 રેન્કિંગમાં છઠ્ઠા સ્થાન પર છે. આ વર્ષે T20 વર્લ્ડ કપ હોવા છતાં ઓસ્ટ્રેલિયાએ અત્યાર સુધી માત્ર 14 T20 રમી છે. આમાં કાંગારૂ ટીમે 9 મેચ જીતી છે અને 4માં હારનો સામનો કરવો પડ્યો છે. ઓસ્ટ્રેલિયાની જીતની ટકાવારી 67 ટકા છે. T20 વર્લ્ડ કપ પહેલા ઓસ્ટ્રેલિયાને ભારત સામે T20 સિરીઝમાં હારનો સામનો કરવો પડ્યો હતો. જોકે, તેણે ઘરઆંગણે વેસ્ટ ઈન્ડિઝને 2-0થી હરાવ્યું છે. ઓસ્ટ્રેલિયાએ આ વર્ષે ભારત (32), ઈંગ્લેન્ડ (18) અને પાકિસ્તાન (15) કરતાં ઓછી ટી20 રમી છે. T20 વર્લ્ડ કપ ક્વોલિફાયર રમનાર વેસ્ટ ઈન્ડિઝે આ વર્ષે ઓસ્ટ્રેલિયાની 14 સામે 21 T20 રમી છે. (Australia cricket team Instagram)

ઈંગ્લેન્ડઃ ઈંગ્લેન્ડની ટીમ હાલમાં T20 રેન્કિંગમાં બીજા સ્થાને છે. તેણે 2022માં અત્યાર સુધી રમાયેલી 18 ટી20માંથી 8 મેચ જીતી છે જ્યારે 10 મેચમાં તેને હારનો સામનો કરવો પડ્યો છે. આ વર્ષે ઈંગ્લેન્ડે 44 ટકા ટી20 જીતી છે. (England cricket team Instagram)

પાકિસ્તાનઃ બાબર આઝમની આગેવાની હેઠળની પાકિસ્તાની ટીમ ICC T20 રેન્કિંગમાં ચોથા સ્થાન પર છે. ટોપ-5 ટીમોમાં ભારત અને ઈંગ્લેન્ડ બાદ પાકિસ્તાને અત્યાર સુધીમાં સૌથી વધુ 15 T20 રમી છે. જેમાંથી 7 જીત્યા છે અને 8 હાર્યા છે. એટલે કે પાકિસ્તાને 46.66 ટકા મેચ જીતી છે. (Pakistan cricket team Instagram)

દક્ષિણ આફ્રિકાઃ T20 રેન્કિંગમાં ત્રીજા સ્થાને રહેલી દક્ષિણ આફ્રિકાએ પણ આ વર્ષે વધુ T20 રમી નથી. આફ્રિકન ટીમ હાલમાં જ ભારત સામે ટી-20 સિરીઝ હારી ગઈ છે. તેણે 2022માં અત્યાર સુધી 13 ટી20માંથી 7 જીતી છે અને 5માં હારનો સામનો કરવો પડ્યો છે. તેઓએ આ વર્ષે ટી20 મેચોમાં 58 ટકાથી થોડી વધારે જીત મેળવી છે. (South Africa cricket team Instagram)