ભારતના નંબર-1 ક્રિકેટરે ભાઈબંધ સાથે કરાવ્યા સગી બહેનનાં લગ્ન, કહ્યું- ઘરે લઈ જઈને ભૂલ કરી

સુનીલ ગાવસ્કર અને સાથી ક્રિકેટર ગુંડપ્પા વિશ્વનાથની મિત્રતાથી દરેક જણ પરિચિત છે. 1970-71માં બંને વેસ્ટ ઈન્ડિઝ ટૂર પર સાથે હતા અને એક જ રૂમમાં રહ્યા હતા. ઘરે પાછા ફરતાં ગાવસ્કર વિશ્વનાથને પોતાના ઘરે લઈ ગયા. આ દરમિયાન વિશ્વનાથ ગાવસ્કરની નાની બહેન કવિતાને પસંદ કરવા લાગ્યા. (AFP)

એ સમયે કવિતા 18 વર્ષની થઈ ન હતી. યોગ્ય સમયે વિશ્વનાથે લગ્નની વાત ગાવસ્કરના પરિવારની સામે રાખી હતી. ગાવસ્કરના મિત્ર  હોવાના નાતે અને  તેઓના સારા સ્વભાવને કારણે આ પ્રસ્તાવ તરત જ સ્વીકારવામાં આવ્યો હતો. આ પછી, ગાવસ્કર અને વિશ્વનાથની જોડીને ક્રિકેટ જગતમાં  સાળા-જમાઈની જોડી તરીકે ઓળખ મળી. (AFP)

સુનીલ ગાવસ્કરને વિશ્વનાથની બેટિંગ ખૂબ ગમતી. જ્યારે પણ તેઑને પૂછવામાં આવ્યું કે તે પોતાની અને વિશ્વનાથ વચ્ચે કોને વધુ સારો બેટ્સમેન માને છે, ત્યારે તે વિશ્વનાથનું નામ સૌથી પહેલા લેતા હતા. તેમણે કહ્યું  હતું કે તેણે વિશ્વનાથ જેવો બેટ્સમેન તેમણે ક્યારેય જોયો નથી. તે તે ખતરનાક બોલ સરળતાથી રમી લેતો હતો, જેના પર બીજા બેટ્સમેન પોતાની વિકેટ ગુમાવી દેતા હતા. (AFP)

1981 મા, ઑસ્ટ્રેલિયા પ્રવાસ પર એક કાર્યક્રમ દરમિયાન, સુનીલ ગાવસ્કરે એક રસપ્રદ કિસ્સો સંભળાવ્યો હતો. ભારતીય સમુદાયના કાર્યક્રમમાં તેણે વિશ્વનાથ વિશે કહ્યું, તમે લોકો ક્રિકેટર ગુંડપ્પા વિશ્વનાથ વિશે જાણતા જ હશો. તે એક ખતરનાક વ્યક્તિ છે. એકવાર મેં તેને ઘરે બોલાવવાની ભૂલ કરી અને પરિણામ એ આવ્યું કે તે હવે અમારો જમાઈ છે. જો કે આવું તેમણે મજાકમાં કહ્યું હતું.(AFP)

સુનીલ ગાવસ્કરના ક્રિકેટ કરિયરની વાત કરીએ તો તેણે 125 ટેસ્ટમાં 10122 રન બનાવ્યા હતા. તેમણે 34 સદી અને 45 અડધી સદી ફટકારી. તેની સર્વશ્રેષ્ઠ ઈનિંગ 236 રનની અણનમ રહી હતી. વનડેની વાત કરીએ તો સનીએ 108 મેચમાં 3092 રન બનાવ્યા છે. એક સદી અને 27 અડધી સદી ફટકારી છે. તેણે ફર્સ્ટ ક્લાસ ક્રિકેટમાં 25 હજારથી વધુ રન બનાવ્યા છે. (AFP)

73 વર્ષીય પૂર્વ ભારતીય કેપ્ટન ગુંડપ્પા વિશ્વનાથની કારકિર્દી પર નજર કરીએ તો તેમણે 91 ટેસ્ટમાં 6080 રન બનાવ્યા હતા. 14 સદી અને 35 અડધી સદી ફટકારી છે. તેનો સર્વશ્રેષ્ઠ સ્કોર 222 રન હતો. તેણે 25 વનડેમાં 2 અડધી સદીની મદદથી 439 રન બનાવ્યા છે. ફર્સ્ટ ક્લાસ ક્રિકેટમાં તેણે 44 સદીની મદદથી 17 હજારથી વધુ રન બનાવ્યા છે. (AFP)