Shoaib Malik: શોએબ મલિકે પાકિસ્તાની એક્ટ્રેસ સાથે કરાવ્યું રોમેન્ટિક ફોટોશૂટ, સાનિયાને લોકોએ આપી આ સલાહ

પાકિસ્તાનના ક્રિકેટર શોએબ મલિકની (Shoaib Malik) અને પાકિસ્તાનની એક્ટ્રેસ આયેશા ઓમર (Ayesha Omer)ની તસવીરો સોશિયલ મીડિયામાં વાયરલ થઈ રહી છે. શોએબ મલિકે રોમેન્ટિક અંદાજમાં પાકિસ્તાની અભિનેત્રી સાથે કરાવેલા ફોટોશૂટને પોતાના ઇન્સ્ટાગ્રામમાં મૂક્યું છે. જોકે, ફએન્સ આ તસવીરો જોઈને સાનિયા મિર્ઝાને (Sania Mirza)ને બચીને રહેવાની સલાહ આપી રહ્યા છે. (Ayesha Omer, Sania Mirza/Instagram)

શોએબ મલિક અને આયેશા ઉમરની આ તસવીરો એક લોકલ મેગેઝિનની છે. આ તસવીરો આમ તો ગત મહિનાની છે. આઈસીસી ટી20 વર્લ્ડકપમાં પાકિસ્તાનની સ્કોટલેન્ડ સામેની જીત બાદ આયેશાએ આ તસવીરો શેર કરી હતી.

શોએબ મલિક અને આયેશા ઉમરનું આ ફોટોશૂટ પાકિસ્તાન સાથે ભારતમાં પણ ચર્ચાનો વિષય છે. લોકો સાનિયા મિર્ઝાને ચિઢાવી રહ્યા છે અને શોએબનું ધ્યાન રાખવાની સલાહ આપી રહ્યા છે. જોકે, આ એક કોમર્શિયલ ફોટોશૂટ છે.

આયેશા ઉમર પાકિસ્તાની અભિનેત્રી છે ત્યારે આ અસાઇનમેન્ટ સંપૂર્ણપણે કોમર્શિયલ છે છતાં ચાહકો સાનિયા મિર્ઝાને ચિઢાવી રહ્યા છે. એક યૂઝરે આયેશાને પૂછ્યું શું તમારા લગ્ન થઈ રહ્યા છે ત્યારે તેણે જવાબમાં લખ્યું બિલકુલ નહીં

આયેશા ઉમરે યૂઝરને જણાવ્યું કે તે પરિણીત છે અને પોતાના પરિવાર સાથે ખુશ છે. તેણે કહ્યું કે તે સાનિયા અને શોયેબનું સન્માન કરે છે.

આયેશાએ ટી20 વર્લ્ડકપમાં પાકિસ્તાનની સ્કોટલેન્ડ સામે જીત થઈ ત્યારબાદ આ તસવીરો શેર કરી હતી. આ મેચમાં શોએબ મલિકે 18 બોલમાં 54 રનની ઇનિંગ રમી ઇતિહાસ સર્જ્યો હતો.

તાજેતરમાં જ આયેશાએ પોતાની લોકપ્રિય સિટકોમ બુલબુલેના 11 વર્ષ સમાપ્ત થવાની ખુશી પર દુબઈમાં એક પાર્ટી કરી હતી. તે દુબઈમાં ફિલ્મફેર મિડલઇસ્ટ અચીવર્સ નાઇટમાં પણ જોવા મળી હતી.

આયેશા ઉંમર સાથેના આ ફોટોશૂટને લોકો વેબ સિરીઝ કે ફિલ્મ સિરીઝમાં શોએબ મલિકાના પદાર્પણ સાથે પણ જોડી રહ્યા હતા. જોકે, આ અંગે કોઈ સત્તાવાર માહિતી સામે આવી નથી.

તાજેતરમાંજ આયેશા પર પાકિસ્તાનમાં બોલ્ડ ફોટોશૂટના કારણે અશ્વીલતા ફેલાવવાનો આરોપ લાગ્યો હતો. જેના જવાબમાં આયેશાએ કહ્યું હતું કે હું મહિલાઓને તેમના અંગનું પ્રદર્શન કરવાનું નથી કહેતી પરંતુ તેમને જે પહેરવું હોય તે પહેરવું જોઈએ. આનો નિર્ણય વ્યક્તિગત હોવો જોઈએ.