Shane Warne નું વસિયતનામું સામે આવ્યું... પત્ની-ગર્લફ્રેંડને કાણો રૂપિયો પણ ના આપ્યો

નવી દિલ્હી: શેન વોર્ને તેની કારકિર્દીમાં એવા રેકોર્ડ બનાવ્યા હતા જે આજના ક્રિકેટર માટે એક સપના સમાન છે. તેણે ઓસ્ટ્રેલિયા માટે 145 ટેસ્ટ મેચમાં 708 વિકેટ લીધી હતી. તે છ વખત એશિઝ જીતનારી ઓસ્ટ્રેલિયન ટીમનો ભાગ હતો. આ સિવાય વોર્ન વર્ષ 1999માં વર્લ્ડ કપ વિજેતા ટીમમાં પણ હતો. (AFP)

ખૂબ જ રંગીન ગણાતા શેન વોર્ન ક્રિકેટના મેદાનમાં ઉંચાઈઓને સ્પર્શતા હતા પરંતુ તેનું અંગત જીવન હંમેશા વિવાદોથી ભરેલું રહ્યું હતું. પછી તે ગર્લફ્રેન્ડ લિઝ હર્લી સાથેના સંબંધોનો મામલો હોય કે પછી નગ્ન તસવીર વાયરલ થવાનો મામલો હોય. આ બધાની પરવા કર્યા વિના વોર્ને તેના જીવનનો ઘણો આનંદ માણ્યો હતો. (AFP)

હવે શેન વોર્નની વસિયતનામું સામે આવ્યું છે. ડેઈલી મેલના અહેવાલ મુજબ, વોર્ને તેની પૂર્વ પત્ની સિમોન કેલાઘનને તેની વસિયતનામાંથી એક પૈસો પણ આપ્યો નથી. લાંબા સમય સુધી તે ઇંગ્લિશ એક્ટર લિઝ હર્લીને ડેટ કરતો હતો. વોર્ને પોતાની વસિયતમાં હર્લીને કંઈ આપ્યું નથી. (ફાઇલ ફોટો)

રિપોર્ટમાં કહેવામાં આવ્યું છે કે ઓસ્ટ્રેલિયાની સુપ્રીમ કોર્ટે શેન વોર્નની કુલ સંપત્તિનું મૂલ્યાંકન કર્યું હતું. આ કુલ $20,711,013.27 હોવાનું જાણવા મળ્યું હતું. શેન વોર્ન અને સિમોન કેલાઘનના લગ્ન 15 વર્ષ ચાલ્યા હતા. આ પછી બંનેના છૂટાછેડા થઈ ગયા હતા. વોર્ને છૂટાછેડા સમયે તેનો હિસ્સો તેની ભૂતપૂર્વ પત્નીને ગુજારાભથ્થા તરીકે આપ્યો હતો. ગર્લફ્રેન્ડ લિસા હર્લી પ્રત્યે તેની કોઈ નાણાકીય જવાબદારી નહોતી. (એપી)

શેન વોર્ને પોતાની વસિયતનો મોટા ભાગનો હિસ્સો તેના બાળકોને જ આપ્યો છે. શેન વોર્નના કુલ ત્રણ બાળકો છે. તેના પુત્રનું નામ જેક્સન વોર્ન છે જ્યારે બે પુત્રીઓના નામ સમર વોર્ન અને બ્રુક વોર્ન છે. ત્રણેયને ભૂતપૂર્વ સ્પિનરની ​​ડેથ વિલમાં સમાન 31 ટકા હિસ્સો આપવામાં આવ્યો છે. (બ્રુક વોર્નર/ઇન્સ્ટાગ્રામ)

વોર્ને તેના બાળકોની સાથે ડેથ વિલમાં તેના ભાઈના બાળકો પર પણ પ્રેમ વરસાવ્યો છે. બાકીની સાત ટકા મિલકતમાંથી વોર્ને બે ટકા તેના ભાઈ જેસનને આપ્યા હતા. આ સિવાય વોર્ને જેસનના બે બાળકો સેબેસ્ટિયન અને ટાયલાના નામે 2.5 ટકા પ્રોપર્ટી છે. આ રીતે વોર્ને પોતાના ભાઈના પરિવારને પણ પ્રોપર્ટીમાં સામેલ કર્યા છે. (એપી)

રિપોર્ટમાં કહેવામાં આવ્યું છે કે વોર્ન પર 295,000 ડોલરનું દેવું પણ છે. આ ઉધાર ક્રેડિટ કાર્ડ અને બાકી ઘરગથ્થુ બિલોના સ્વરૂપમાં છે. તેમની BMW, મર્સિડીઝ બેન્ઝ અને $375,500ની યામાહા મોટરસાઇકલ તેમના પુત્ર જેક્સનને આપવામાં આવી છે. (જેક્સન વોર્ન ઇન્સ્ટાગ્રામ)