Shane Warne Death Cause: શેન વોર્ન થાઇલેન્ડમાં વિલામાંથી બેસુધ અવસ્થામાં મળ્યો, સામે આવ્યું મોતનું કારણ

ઓસ્ટ્રેલિયાના પૂર્વ ક્રિકેટર શેન વોર્નનું (Shane Warne Dies) 52 વર્ષની વયે મોત થયું છે. વોર્નનું મોત થયાના સમાચાર આવતા ઓસ્ટ્રેલિયા સહિત સમગ્ર વિશ્વના ક્રિકેટ ચાહકોંને આઘાત લાગ્યો છે. શેન વોર્નનું આજે થાઇલેન્ડમાં (thailand) એક વિલાની અંદર મોત થયું હોવાનું સામે આવ્યું છે. તબીબોએ શેન વોર્નની તપાસ કરતા તેને મૃત જાહેર કર્યો હતો. શેન વોર્નના સમાચારથી ક્રિકેટ જગતમાં હાહાકાર મચી ગયો છે.

52 વર્ષનો ક્રિકેટ તેના સ્પિનના જાદૂ માટે જાણીતો હતો. ઓસ્ટ્રેલિયા માટે લાગલગાટ 15 વર્ષ ક્રિકેટ રમાનારા શેન વોર્ને આજે સવારે જ તેના સિનિયરને શ્રદ્ધાંજલિ આપી હતી અને સાંજ પડતાની સાથે તેનું અવસાન થઈ ગયું હતું.

52 વર્ષના શેનવોર્નનું મૃત્યુ પ્રાથમિક રીતે હ્યદય રોગના હુમલાથી થયું હોવાનું સામે આવી રહ્યુ છે. ડૉક્ટરોને તે પોતાના વિલામાં બેસુધ હાલતમાં મળી આવ્યો હતો. તેના પરિવારે આ અંગે રકહ્યું કે અમને એકલતાની જરૂર છે. આ દુખના સમયમાં અમે પ્રાઇવેસીની અપેક્ષાઓ રાખીએ છે.

શેન વોર્ન ટેસ્ટમાં સૌથી વધુ વિકેટ લેનાર વિશ્વનૌ બીજો અને ઓસ્ટ્રેલિયાનો પ્રથમ બૉલર હતો. શેન વોર્નને 708 ટેસ્ટ વિકેટ ઝડપી હતી. એટલું જ નહીં તેણે 12 ફિફ્ટી પણ મારી હતી. શેન વોર્ને કુલ 3154 રન પણ બનાવ્યા હતા. જેમાં સૌથી વધુ 99 રનનો તેનો સ્કોર હતો.

શેન વોર્નનો જન્મ વિક્ટોરીયામાં વર્ષ 1969માં થયો હતો. તેણે 145 ટેસ્ટ અને 194 વનડે મેચ રમી હતી. શેન વોર્ને વર્ષ 2007માં ઇન્ગલેન્ડ સામે સિડનીમાં અંતિમ મેચ રમી હતી