આ ક્રિકેટર પર ફિદા હતી શાહરુખની પુત્રી! હવે ટીમ ઇન્ડિયામાં થયો સમાવેશ

ટોક શો ‘કોફી વિથ કરન’માં મહિલાઓ અંગે વિવાદિત નિવેદન આપ્યા પછી લોકેશ રાહુલ અને હાર્દિક પંડ્યાને સસ્પેન્ડ કરવામાં આવ્યા છે. જેથી તે હાલમાં ઓસ્ટ્રેલિયા સામે ચાલી રહેલી વન-ડે શ્રેણી અને ન્યૂઝીલેન્ડ સામેની શ્રેણીમાં ભાગ લઈ શકશે નહીં. તેમના સ્થાને વિજય શંકર અને 19 વર્ષીય શુભમન ગિલનો સમાવેશ કરાયો છે.

શંકર ભારતીય ટીમ માટે ટી-20 મેચ રમી ચૂક્યો છે, જ્યારે 19 વર્ષીય ગિલને અત્યાર સુધી કોઇપણ ફોર્મેટમાં તક મળી નથી. તમિલનાડુનો શંકર 15 જાન્યુઆરીએ ઓસ્ટ્રેલિયા વિરુદ્ધ એડિલેડમાં રમાનારી બીજી વન ડે પહેલાં ટીમ સાથે જોડાશે. જ્યારે ગિલ ન્યૂઝીલેન્ડમાં વન ડે અને ટી-20 માટે ટીમ સાથે જોડાશે. પંજાબ તરફથી રણજી રમનાર શુભમન ગિલ ઘરેલૂ ક્રિકેટમાં સતત શાનદાર પ્રદર્શન કરી રહ્યો છે.

19 વર્ષના શુભમને ગત વર્ષે આઈપીએલમાં ડેબ્યૂ કર્યું હતું. તે શાહરુખ ખાનની ટીમ કોલકાતા નાઇટ રાઇડર્સ તરફથી રમ્યો હતો. આ દરમિયાન એવી ચર્ચા પણ બહાર આવી હતી કે શુભમન ઉપર શાહરુખની પુત્રી સુહાના આકર્ષિત છે. આ પછી મીડિયામાં બંને વચ્ચે અફેરની ચર્ચા પણ ચાલી હતી. જોકે આ વાતની કોઈ પૃષ્ટી કરી ન હતી.

આઈપીએલ-2018માં શાહરુખ શૂટિંગમાં વ્યસ્ત હોવાથી સુહાના મેચ દરમિયાન સ્ટેડિયમમાં ટીમને ચીયર કરતી જોવા મળતી હતી.

શુભમન ગિલ ચર્ચામાં આવ્યો હોય તેવો પ્રથમ બનાવ નથી. આ પહેલા ઘણી વખત ચર્ચામાં આવ્યો છે. પૃથ્વી શોની આગેવાનીમાં ભારતે અંડર-19નો વર્લ્ડ કપ જીત્યો તેમાં શુભમનનો મહત્વનો રોલ હતો.