ખુલાસો - સચિને ઓપનિંગમાં આવવા માટે હાથ જોડીને કરી હતી ઘણી વિનંતી

સચિન તેંડુલકર(Sachin Tendulkar)ની ગણના દુનિયાના મહાન ક્રિકેટરોમાં થાય છે. ટેસ્ટ અને વન-ડેમાં તેના કરતા વધારે રન કોઈએ બનાવ્યા નથી. જોકે સચિને શરુઆતની કારકિર્દીમાં ઘણો સંઘર્ષ કરવો પડ્યો હતો. આ વખતે સચિને ખુલાસો કરતા કહ્યું કે ઓપનર બૅટ્સમેનના રુપમાં તક આપવા માટે ઘણી વિનંતી કરવી પડી હતી. કારકિર્દીની શરુઆતમાં સચિનને મિડલ ઓર્ડરમાં રમાડવામાં આવતો હતો પણ ત્યાં તે વધારે સફળ થયો ન હતો. આ પછી સપ્ટેમ્બર 1994માં ભારતીય ક્રિકેટ ટીમ (Indian Cricket team) માટે ઓપનિંગ કરવાની શરુઆત કરી હતી અને સદી ફટકારી હતી.

એક ચેટ શો માં સચિને ઓપનિંગમાં બેટિંગ કરવા આવવા વિશે મજેદાર વાત કહી હતી. સચિને કહ્યું હતું કે કેવી રીતે ઓપનિંગ માટે તેણે ઘણી વિનંતી કરવી પડી હતી. સચિને કહ્યું હતું કે 1994માં જ્યારે મેં ભારત માટે ઓપનિંગ બૅટિંગ શરુ કરી તો બધી ટીમોની રણનીતિ વિકેટ બચાવવાની હતી. મેં અલગ હટીને સોચવાનો વિચાર કર્યો હતો. મેં વિચાર કર્યો કે હું ઉપર જઈને હરિફ બૉલરો ઉપર પ્રહાર કરું. જોકે આ માટે મારે ઘણી વિનંતી કરવી પડી હતી. મેં કહ્યું હતું કે જો નિષ્ફળ થયો તો ફરી તમારી પાસે આવીશ નહીં.

સચિને કહ્યું હતું કે ઓપનિંગમાં પ્રથમ મેચમાં (ઓકલેન્ડમાં ન્યૂઝીલેન્ડ સામે) મેં 49 બોલમાં 82 રન બનાવ્યા હતા. જેથી મને ફરીથી તક આપવા વિશે પુછવાની જરુર પડી ન હતી. તે મને ઓપનિંગમાં મોકલવા તૈયાર હતા. હું એ કહેવા માંગીશ કે નિષ્ફળતા મળવાથી ગભરાશો નહીં.

ઓપનર બૅટ્સમેનના રુપમાં સેટ થયા પછી સચિને પાંચ ઇનિંગ્સમાં 82, 63, 40, 63 અને 73 રનનો સ્કોર બનાવ્યો હતો. સચિને પોતાની પ્રથમ વન-ડે સદી 76મી ઇનિંગ્સમાં ઓસ્ટ્રેલિયા સામે કોલંબોમાં ફટકારી હતી. આ સદી ઓપનિંગમાં ફટકારી હતી. સચિનના નામે આંતરરાષ્ટ્રીય ક્રિકેટમાં 100 સદી છે.