ટીમ ઈન્ડિયાના ક્રિકેટરે સીનીયર ખેલાડીને સાળો બનાવી દીધો, ધમકી છતાં તેની જ બહેનને પટાવીને કર્યા લગ્ન

ભારતીય ક્રિકેટરોની મેદાન પરની વાતો જેટલી જ તેમની પ્રેમ કહાનીઑ પણ જાણીતી છે. ભારતીય ક્રિકેટ ટીમના કેપ્ટન રોહિત શર્માની લવ સ્ટોરી પણ ખૂબ જ ફની છે. રોહિતે પોતાના જ સિનિયરની બહેન સાથે લગ્ન કર્યા છે. જોકે, આ સિનિયરે રોહિત શર્માને તેની બહેન સાથેની પહેલી મુલાકાતમાં જ ચેતવણી આપી હતી. ચેતવણી છતાં પણ રોહિત શર્માનો તેની બહેન પ્રત્યેનો પ્રેમ ઓછો ન થયો અને અંતે તેમનો પ્રેમ જીતી ગયો હતો (Rohit Sharma Instagram)

ભારતીય ક્રિકેટ ટીમના વર્તમાન કેપ્ટન રોહિત શર્માનો આ સિનિયર બીજું કોઈ નહીં પણ યુવરાજ સિંહ છે. યુવરાજ સિંહે રોહિત શર્માને તેની બહેનથી દૂર રહેવાની ચેતવણી આપી હતી. આ વાતનો ખુલાસો ખુદ રોહિત શર્માએ 'બ્રેકફાસ્ટ વિથ ચેમ્પિયન' ચેટ શોમાં કર્યો છે. ખરેખર, રિતિકા સ્પોર્ટ્સ મેનેજર હતી. તેણીએ ઘણા ક્રિકેટરોનું મેનેજમેંટ સંભાળ્યું હતું, જેમાંથી એક રોહિત શર્મા પણ હતો. જ્યારે રોહિત શર્મા પહેલીવાર રિતિકા સજદેહને મળ્યો ત્યારે તે બહુ ખુશ નહોતો. પહેલી મુલાકાતમાં જ રીતિકા રોહિત માટે ખૂબ જ ઘમંડી લાગી રહી હતી. (Ritika Sajdeh/Instagram)

ઈન્ટરવ્યુમાં રોહિત શર્માએ કહ્યું, “હું ટીમ ઈન્ડિયાના કેટલાક સિનિયર ખેલાડીઓ સાથે શૂટ કરી રહ્યો હતો. યુવરાજ સિંહ પણ તે શૂટનો ભાગ હતો. જ્યારે હું યુવરાજ સિંહને મળ્યો ત્યારે રિતિકા પણ ત્યાં હતી. મેં યુવી પાજીને હેલો કહ્યું, તો યુવરાજ સિંહે મને સ્પષ્ટ કહ્યું કે રિતિકા મારી બહેન છે અને  તારે તેની સામે જોવાની પણ જરૂર નથી (Ritika Sajdeh/Instagram)

યુવરાજ સિંહની  તે સમયે માનેલી બહેન રિતિકા  સજદેહ હતી. રિતિકા યુવરાજ સિંહને રાખડી બાંધે છે. યુવરાજ સિંહની ચેતવણી બાદ રોહિત શર્માએ રિતિકા સજદેહ સામે ગુસ્સાથી જોયું અને વિચાર્યું કે તે કોણ છે? તેણી આટલુ આકર્ષણ કેમ બતાવે છે. પાછળથી તે જ શૂટ દરમિયાન જ્યારે રિતિકાએ તેને મદદ કરવાની ઓફર કરી ત્યારે રોહિતે રિતિકા સાથે વાત કરી. (Yuvraj Singh/Instagram)

રોહિત શર્માએ યુવરાજ સિંહની ચેતવણી પછી પણ ધીમે ધીમે રિતિકા સજદેહ સાથે મિત્રતા કરી હતી. આ પછી બંને વચ્ચે ડેટિંગ શરૂ થઈ ગયું હતુ. બંને લગભગ 6 વર્ષ સુધી એકબીજાને ડેટ કરતા હતા. 6 વર્ષ ડેટિંગ કર્યા બાદ રોહિત શર્માએ રિતિકાને ખાસ રીતે પ્રપોઝ કરવાનું નક્કી કર્યું હતું. રોહિતે રિતિકાને એવી જગ્યાએ પ્રપોઝ કર્યું છે જેનો અર્થ તેના જીવનમાં ઘણો છે અને ખાસ છે. (Ritika Sajdeh/Instagram)

પ્રપોઝ કરતી વખતે રોહિત શર્મા ઘૂંટણિયે પડયો અને હાથમાં હીરાની વીંટી લઈને રિતિકાને પ્રપોઝ કર્યું. રોહિતે રિતિકાને મુંબઈના બોરીવલી સ્પોર્ટ્સ ક્લબમાં પ્રપોઝ કર્યું હતું. આ એ જ મેદાન છે જ્યાં માત્ર 11 વર્ષની ઉંમરમાં રોહિત શર્માએ પોતાના ક્રિકેટ કરિયરની શરૂઆત કરી હતી. રોહિતના આ સરપ્રાઈઝથી રીતિકા ખૂબ જ ખુશ થઈ ગઈ અને તેણે આ પ્રપપોઝલ  સ્વીકારી લીધો હતી. (Ritika Sajdeh/Instagram)

એક ઈન્ટરવ્યુ દરમિયાન રોહિત શર્માએ ખુલાસો કર્યો હતો કે તે હોટલમાં પોતાના લગ્નની વીંટી ભૂલી ગયો હતો, ત્યારબાદ ટીમ ઈન્ડિયાના ખેલાડીઓએ તેની મજાક ઉડાવી હતી. રોહિત શર્માએ કહ્યું હતું કે વિરાટ કોહલીએ આ વાતને એક મોટા સમાચાર બનાવી દીધા છે. રોહિતે કહ્યું, “મારા નવા લગ્ન હતા યાર! મને વીંટી પહેરવાની આદત ન હતી, તેથી હું તેને બહાર રાખીને સૂતો હતો. અને મને બહુ ખરાબ આદત છે કે હું મોડો ઉઠું છું અને પછી એરપોર્ટ તરફ દોડું છું. તે દિવસે પણ હું મોડો પડ્યો હતો અને પછી એમ  જ ચાલ્યો ગયો હતો. (રિતિકા સજદેહ/ઈન્સ્ટાગ્રામ)

રોહિત શર્માએ આગળ કહ્યું, "ઉમેશ યાદવ મારી પાસેથી પસાર થયો અને જ્યારે મેં તેના હાથમાં લગ્નની વીંટી જોઈ તો મેં કહ્યું ઓહ છી યાર વીંટી." હું ભજ્જુ પાને બાજુમાં લઈ ગયો અને કહ્યું ભજ્જુ પા એક વ્યક્તિ છે જેને તમે હોટલમાં ઓળખતા હતા, તેને કહો, કદાચ તેને વીંટી મળી જશે. ધીરે ધીરે બધાને આ વાતની ખબર પડી. ત્યારે વિરાટ કોહલીએ મોટા સમાચાર આપ્યા.

રોહિત શર્મા અને રિતિકા સજદેહે 3 જૂન 2015ના રોજ સગાઈ કરી અને 13 ડિસેમ્બર 2015ના રોજ લગ્નના બંધનમાં બંધાઈ ગયા. રોહિત અને રિતિકાના લગ્ન તાજ લેન્ડ્સ હોટલમાં થયા હતા, જ્યાં ક્રિકેટ અને બોલિવૂડ જગતના ઘણા સ્ટાર્સે હાજરી આપી હતી. રિતિકા બોલિવૂડ એક્ટર સોહેલ ખાનની પૂર્વ પત્ની સીમા ખાનની પિતરાઈ બહેન પણ છે. આવી સ્થિતિમાં ઘણી બોલિવૂડ સેલિબ્રિટીઓ પણ તેમના લગ્નમાં મહેમાન બની હતી. (Ritika Sajdeh/Instagram)