રોહિત ટી-20 ક્રિકેટનો નવો બાદશાહ, ગેઈલનો રેકોર્ડ તોડ્યો

ટીમ ઇન્ડિયાનો વાઇસ કેપ્ટન રોહિત શર્મા ટી-20 ક્રિકેટનો નવો બાદશાહ બની ગયો છે. વેસ્ટ ઇન્ડીઝ સામેની બીજી ટી-20માં રોહિતે આ ફોર્મેટમાં સૌથી વધારે સિક્સર ફટકારવાનો રેકોર્ડ પોતાના નામે કરી લીધો છે. તેણે વેસ્ટ ઇન્ડીઝના ક્રિસ ગેઈલને પાછળ રાખ્યો છે. રોહિતના નામે 96 ટી-20 મેચમાં 107 સિક્સરો થઈ ગઈ છે.

ગેઈલના નામે 58 મેચમાં 105 સિક્સર છે તે હવે બીજા નંબરે આવી ગયો છે. રોહિતે બીજી ટી-20માં 67 રન દરમિયાન 3 સિક્સર ફટકારી હતી. આ દરમિયાન તેણે ગેઈલનો રેકોર્ડ તોડ્યો હતો. આ રોહિતે કારકિર્દીની 17મી અડધી સદી ફટકારી છે.

રોહિતના નામે આંતરરાષ્ટ્રીય ટી-20 મેચમાં સૌથી વધારે રન છે. રોહિતે 96 મેચમાં 32.72ની એવરેજથી 2422 રન બનાવ્યા છે.

આંતરરાષ્ટ્રીય ટી-20 મેચમાં સૌથી વધારે સદી પણ રોહિતના નામે છે. રોહિત અત્યાર સુધી 4 સદી ફટકારી ચૂક્યો છે. આ પછી ન્યૂઝીલેન્ડનો કોલિન મૂનરો (3 સદી) છે.

ટી-20માં સૌથી વધારે 50 પ્લસ સ્કોર બનાવવાનો રેકોર્ડ પણ રોહિતના નામે છે. રોહિતે 21 વખત 50 પ્લસનો આંકડો પાર કર્યો છે.