રોડ પર તડપતો હતો ઋષભ અને લોકો કારમાંથી ઉડેલા રુપિયા ભેગા કરવામાં લાગ્યા હતા!

ટીમ ઇન્ડિયાના ક્રિકેરટર ઋષભ પંતની કારને ઉત્તરાખંડમાં રુડકી પાસે ભયાનક એક્સિડેન્ટ થયો છે. અમર ઉજાલાના એક અહેવાલ મુજબ આ અકસ્માતના પ્રત્યક્ષદર્શીઓ મુજબ આ અકસ્માતના તેની મોંઘીદાટ મર્સિડિઝ કારના છોતરાં ઉડી ગાય છે. અકસ્માત પછી ઋષભ કારમાંથી નીકળવાનો પ્રયાસ કરતો હતો પરંતુ નીકળી શકતો નહોતો.

કહેવામાં આવી રહ્યું છે કે ઋષભની કારમાં લગભગ 3-4 લાખ રુપિયા હતા. અકસ્માતની ઘટના બાદ ઘણા રુપિયા રસ્તા પર જ્યાં ત્યાં ઉડ્યા હતા.

અકસ્માત બાદ ઋષભ રસ્તા પર તડપી રહ્યો હતો પરંતુ લોકો તેની મદદ કરવાની જગ્યાએ પહેલા રુપિયા લેવા માટે દોડ્યા હતા. તો કેટલાક લોકો વીડિયો બનાવવામાં મશગૂલ હતા.

તેવામાં બે યુવકો ઋષભ માટે દેવદૂત બનીને સામે આવ્યા હતા. તેમણે 108ને ફોન કર્યો હતો અને તેઓ ઋષભને હોસ્પિટલે લઈ ગયા હતા. કહેવાય છે કે જ્યારે રુડકીની સિવિલ હોસ્પિટલમાં જ્યારે ઋષભ પંતને દાખલ કરવામાં આવ્યો ત્યારે આ યુવકો પણ હોસ્પિટલમાં હોવાના અહેવાલ સાંપડી રહ્યા છે.

આ બંને યુવક પૈકી એક યુવક પુરકાજી નજીકના શકરપુર ગામનો રહેવાસી છે. જે ઘટનાસ્થળથી કેટલાક કિલોમીટર દૂર લિબ્બરહેરીમાં આવેલ ઉત્તમ સુગર ફેક્ટરીમાં કામ કરે છે.

સવારના સમયે તે પોતાની ડ્યુટી પર જઈ રહ્યો હતો આ દરમિયાન જ તેને રસ્તા પર ઈજાગ્રસ્ત સ્થિતિમાં પડેલા ઋષભ પંતને ઓળખી લીધો હતો. સિવિલ હોસ્પિટલના ડો. સુશીલે કહ્યું કે હોસ્પિટલમા જ્યારે ઋષભને લાવવામાં આવ્યો ત્યારે તેની સાતે બંને યુવકો પણ હતા. તેમણે જ ઋષભને સમયસર રહેતા હોસ્પિટલે પહોંચાડ્યો હતો.

ડોક્ટરે સુશીલ નાગરે કહ્યું કે હોસ્પિટલમાં લાવવામાં આવેલ ઋષભની સ્થિતિ થોડી ગંભીર હતી પરંતુ જેમ જેમ સમય પસાર થતો ગયો તેમ તે તેની સ્થિતિ સારી થતી ગઈ.

જે બાદ ઋષભ પંતને દહેરાદૂન સ્થિત મેક્સ હોસ્પિટલમાં દાખલ કરવામાં આવ્યો છે. કહેવામાં આવે છે કે પંતની પ્લાસ્ટિક સર્જરી પણ કરવામાં આવી શકે છે.