RANJI Trophy 2023: દિલ તૂટ્યું, લગ્ન પાછળ ઠેલવાયા, રણજીમાં જોરદાર બેટિંગ કરી અને તો પણ નથી મળતી ટીમમાં જગ્યા

રજત પાટીદારને લવનીતની ઈજાનો મોટો ફાયદો મળ્યો હતો. તેને લવનીતની જગ્યાએ રોયલ ચેલેન્જર્સ બેંગ્લોરની ટીમમાં સામેલ કરવામાં આવ્યો હતો. ટી20 લીગમાં રમવાના કારણે તેણે પોતાના લગ્ન મોકૂફ રાખવા પડ્યા હતા. મધ્યપ્રદેશમાં પાટીદારના પરિવારજનોએ કાર્યક્રમ માટે હોટલ પણ બુક કરાવી લીધી હતી. (Rajat Patidar Instagram)

આ તકનો ભરપૂર ફાયદો 29 વર્ષીય રજત પાટીદારે ઉઠાવ્યો હતો અને RCB માટે આક્રમક બેટિંગ કરી હતી. એલિમિનેટરમાં તેણે 54 બોલમાં અણનમ 112 રન બનાવ્યા હતા. ત્યારબાદ ક્વોલિફાયર-2માં પણ 42 બોલમાં 58 રનની ઇનિંગ રમી હતી. જોકે ટીમ ટાઈટલ જીતી શકી નથી. પણ તેનું પ્રદર્શન વખણાયું હતું.

IPL 2022માં તેણે 8 મેચમાં 56ની એવરેજથી 333 રન બનાવ્યા હતા. એક સદી અને 2 અડધી સદી ફટકારી હતી. આ દરમિયાન તેનો સ્ટ્રાઈક રેટ 153 હતો. આ પછી રજત પાટીદારે રણજીમાં શાનદાર પ્રદર્શન કરીને મધ્યપ્રદેશને પ્રથમ વખત ચેમ્પિયન બનાવવામાં મોટો ફાળો આપ્યો હતો.

રજત પાટીદારે ક્વાર્ટર ફાઈનલ અને સેમીફાઈનલમાં અડધી સદી ફટકારી હતી. તે અહીં જ ન અટક્યો અને મુંબઈ જેવી મજબૂત ટીમ સામે ફાઇનલમાં સદી ફટકારી. તેણે 6 મેચની 9 ઇનિંગ્સમાં 82ની એવરેજથી 658 રન બનાવ્યા હતા. 2 સદી અને 5 અડધી સદી ફટકારી છે.

તાજેતરમાં ન્યુઝીલેન્ડ શ્રેણી માટે રજત પાટીદારને ભારતીય ટીમમાં સ્થાન મળ્યું છે. તેની ટીમમાં અગાઉ પણ પસંદગી કરવામાં આવી  હતી. પરંતુ કોચ રાહુલ દ્રવિડ અને ટીમ મેનેજમેન્ટે તેને અત્યાર સુધી તક આપી નથી. તેનું આંતરરાષ્ટ્રીય ડેબ્યૂ હજુ બાકી છે. રણજી ટ્રોફીની વર્તમાન સિઝનમાં પણ તેના બેટથી ઢગલા મોઢે રન બની રહ્યા છે

મધ્યપ્રદેશે શુક્રવારે ક્વાર્ટર ફાઇનલમાં આંધ્ર પ્રદેશને 5 વિકેટે હરાવીને સેમિફાઇનલમાં જગ્યા બનાવી લીધી છે. એમપીને 245 રનનો ટાર્ગેટ મળ્યો હતો. રજત પાટીદારે બીજી ઇનિંગમાં 55 રનની મહત્વની ઇનિંગ રમી હતી. હવે તેઓ સતત બીજી સિઝનમાં ટીમને ચેમ્પિયન બનાવવા ઈચ્છશે. (Rajat Patidar Instagram)