Pro Kabadddi League: PKLમાં યૂ મુમ્બાએ સર્જ્યો ટેબલ ટોપર બેંગ્લુરુ બુલ્સને પછાડી મેળવી જીત

<br />Pro Kabaddi League 2021: પ્રો કબડ્ડી લીગમાં બુધવારે રમાયેલી મેચમાં યૂ મુમ્બાએ દમદાર પ્રદર્શન દર્શાવ્યું હતું. બુધવારે યૂ મુમ્બાનો બેંગ્લુરુ (U mumba vs Bengaluru Bulls) બુલ્સ સામે મુકાબલો ખેલાયો હતો. આ મેચમાં બેંગ્લુરબ બુલ્સને હરાવી અને યૂ મુમ્બાએ અપસેટ સર્જી નાખ્યો છે. બેંગ્લુરૂ બુલ્સ આ ટુર્નામેન્ટમાં ટેબલ ટોપર છે. જ્યારે કે યુમુમ્બાએ આજે પાંચમી જીત મેળવી છે.

યૂ મુમ્બાએ બેંગ્લુરૂને આજના મુકાબલામાં 45-34ના સ્કોરથી હરાવી અને માત આપી છે. મુમ્બાએ બુલ્સને 11 પોઈન્ટથી માત આપી હતી. ટીમ માટે સૌથી વધુ 11 રપોઈન્ટ રેડર અભિષેક સિંહે એકઠા કર્યા હતા જ્યારે કે વી અજિત અને રાહુલે 8-8 પોઈન્ટનું યોગદાન આપ્યું હતું.

પ્રો કબડ્ડી લીગમાં યૂ-મુમ્બાએ પ્રથમ હાફમાં સારૂ પ્રદર્શન દર્શાવ્યું હતું અને બે પોઈન્ટની લીડ પણ મેળવી લીધી હતી. પહેલા હાફમાં મુમ્બાએ 22 પોઈન્ટ મેળવી લીધા હતા જ્યારે કે બેંગ્લુરૂની ટીમ 20 પોઈન્ટ મેળવી શકી હતી.

યૂ મુમ્બાએ બીજા હાફમાં શરૂઆતની 2 મિનિટ પછી પોતાની લીડને વધારી અને 7 પોઈન્ટ સુધી પહોંચાડી દીધી હતી. મુમ્બાએ અંતિમ હાફમાં 23 પોઈન્ટ મેળવ્યા હતા જ્યારે કે કેપ્ટન પવન સહેરાવતની બેંગ્લુરુ 14 પોઈન્ટ જ બનાવી શકી હતી.

પોઈન્ટ ટેબલની ચર્ચા કરીએ તો બેંગ્લુરુ હાર પછી પણ ટેબલ પર ટોપ પર છે. બેંગ્લુરુએ 15માંથી આઠ મેચ જીતી હતી જ્યારે કે એક મેચ ટાઈ ગઈ હતી અને બેંગ્લુરૂની સ્થિતિ ટેબલ પર 46 પોઈન્ટ સાથે ટોપર પર છે. ત્યારબાદ દબંગ દિલ્હી બીજા નંબર છે. યુ મુમ્બા 41 પોઈન્ટ સાથે ચોથા નંબરે પહોંચી ગઈ છે.