Pro Kabaddi League: PKLમાં પટના પાઇરેટ્સે તમિલ થલાઈવાઝને 28 પોઈન્ટથી હરાવી

Pro Kabaddi League 28 Jan Live Updates: પ્રો કબડ્ડી લીગની સિઝન 8માં (Pro kabaddi league) આજે તમિલ થલાઈવાઝ અને પટના પાઇરેટ્સ (Tamil Thalaivas vs Patna Pirates) વચ્ચે મુકાબલો ખેલાયો હતો. આ મુકાબલામાં પટના પાઇરેટ્સની તમિલ થલાઈવાઝ સામે શાનદાર જીત થઈ છે.

આજે પ્રો કબડ્ડી લીગમાં એક માત્ર તમિલ થલાઈવાઝ અને પટના પાઇરેટ્સની વચ્ચે મુકાબલો ખેલાયો હતો. શરૂઆતની 15 મિનિટમાં પટના પાઇરેટ્સે જોરદાર રમતનું પ્રદર્શન દર્શાવ્યું હતું. પટના ટીમને 9 પોઈન્ટની લીડ મળી હતી.

પટના પાઇરેટ્સે પ્રથમ હાફમાં તમિલ થલાઈવાઝ પર 9 પોઈન્ટની લીડ મેળવી હતી અને સ્કોર 21-12 રહ્યો હતો. આ લીડ આગળ જતા તેમને ખૂબ કામે લાગી હતી.

સેકન્ડ હાફના અંત સુધીમાં પટના પાઇરેટ્સે તલમિલ થલાઈવાઝને મોટા અંતરે હરાવ્યું હતું. પટના પાઇરેટ્સે બીજા હાફમાં 31 પોઈન્ટ બનાવ્યા હતા જ્યારે તમિલ થલાઈવાઝ 12 પોઈન્ટ જ બનાવી શક્યા હતા.

આમ આજની મેચમાં પટના પાઇરેટ્સે તલિમ થલાઈવાઝને 52-24ના સ્કોરના ભારે માર્જિનથી હરાવી દીધું હતું. આજના સ્કોરના અંતે પટનાની 28 પોઈન્ટથી ભારે જીત થઈ હતી.