Pro Kabaddi League: પ્રો કબડ્ડી લીગમાં આજે ગુજરાતનો દિલ્હી સામે કારમો પરાજય

Pro Kabaddi League: પ્રો કબડ્ડી લીગમાં આજે ગુજરાત જાયન્ટ્સ અને દબંગ દિલ્હી કેસી વચ્ચે મુકાબલો ખેલાયો (Gujarat Giants vs Daband Delhi KC) હતો. આ મુકાબલામાં ગુજરાતને કારમો પરાજય મળ્યો છે. ગુજરાત જાયન્ટ્સે છેલ્લે 20મી જાન્યુઆરીએ મેચ રમી હતી અને તે મેચમાં વિજય મેળવ્યો હતો. આજે 9માં દિવસે મેદાનમાં આવેલી ટીમ હારી ગઈ છે.

દબંગ દિલ્હી ટેબલ ટોપર છે જેણે ગુજરાત જાયન્ટ્સને આ મેચમાં 41-22ના જબરા સ્કોરથી હાર આપી છે. મેચની શરૂઆતથી જ દબંગ દિલ્હી આ મેચમાં હાવી થઈ ગયું હતું.

હાફ ટાઇમ સુધીમાં દબંગ દિલ્હીએ ગુજરાત જાયન્ટ્સને 50 ટકા માર્જિનથી પાછળ છોડી દીધું હતું. ગુજરાત જાયન્ટ્સ સામે દબંગ દિલ્હીનો સ્કોર 22-11 હાફ ટાઈમના અંતે હત. વિજયના 7 અને આશુના 6 પોઈન્ટથી દિલ્હી મેદાનમાં હતું.

દબંગ દિલ્હીએ સેકન્ડ હાફમાં પણ 20 પોઈન્ટ મેળવ્યા હતા જ્યારે ગુજરાત જાયન્ટ્સ ફક્ત 11 પોઈન્ટ બનાવી શકી હતી. અને દિલ્હીએ આ મેચને લગભગ બમણા અંતરથી જીતી લીધી હતી.

દિલ્હી માટે વિજયના 6, સંદિપ નારવાલના 6 અને આશુ મલિકના 5 અને ક્રિષ્ના ઢૂલના અને મંજિત ચીલરે 4-5 પોઈન્ટ બનાવ્યા હતા.આ મેચના અંતે ગુજરાત 6 હાર બાદ પ્રો કબડ્ડીમાં 11માં ક્રમે ધકેલાઈ ગઈ છે. જ્યારે દબંગ દિલ્હી ટેબલ પર આગેકૂચમાં છે.