Pro Kabddi League: પ્રો કબડ્ડી લીગનું ટાઇમ ટેબલ, જાણો કઈ તારીખે કઈ ટીમની છે મેચ

Pro Kabaddi League 2021-22: પ્રો કબડ્ડી લીગની આઠમી સિઝન 22મી (Pro Kabaddi Season 8) ડિસેમ્બર એટલે કે આજથી શરૂ થઈ રહી છે. કોરોના સંક્રમણના કારણે આ વખતે કબડ્ડી સ્ટેડિયમમાં દર્શકોના પ્રવેશ પર પ્રતિબંધ રહેશે. ગ્રુપ સ્ટેજમાં 12 ટીમો વચ્ચે 66 મેચ રમાશે. લીગની શરૂઆત ભૂતપૂર્વ ચેમ્પિયન યુ મુમ્બા અને બેંગલુરુ બુલ્સ (Pro Kabaddi Match Today Timming) વચ્ચેની મેચથી થશે, જ્યારે તેલુગુ ટાઇટન્સ (Pro Kabaddi Match Telugu Titans) દિવસની બીજી મેચમાં તમિલ થલાઈવાસ સામે ટકરાશે. કોરોનાના કારણે પ્રો કબડ્ડી લીગનું બે વર્ષ પછી આયોજન કરવામાં આવી રહ્યું છે. આજથી શરૂ થવા જઈ રહેલી લીગનું જીવંત પ્રસારણ મોબાઇલ (Live Streaming of Pro Kabaddi) અને ટેલિવિઝન પર પણ નિહાળી શકાશે

પ્રો કબડ્ડી લીગની આ સિઝનમાં પહેલા ચાર દિવસ બે અને પછી દર શનિવારે ત્રણ મેચ રમાશે. બુધવારે રમાનારી ત્રીજી મેચમાં યુપી યોદ્ધાનો મુકાબલો ડિફેન્ડિંગ ચેમ્પિયન બંગાળ વોરિયર્સ સામે હશે.

પ્રો કબડ્ડી લીગની પાંચમી અને છઠ્ઠી સીઝનમાં ઝોનલ ફોર્મેટનું પાલન કરવામાં આવ્યું હતું. વર્ષ 2019 માં ડબલ રાઉન્ડ રોબિન ફોર્મેટનું પાલન કરવામાં આવ્યું હતું, આ વર્ષે પણ પ્રો કબડ્ડી લીગ ડબલ રાઉન્ડ રોબિન ફોર્મેટ અનુસાર રમવામાં આવશે.

લીગમાં દરરોજ 2 થી 3 મેચ રમાશે. ત્રણેય મેચનો સમય અલગ-અલગ હશે. દરરોજ પ્રથમ મેચ 7:30 વાગ્યે શરૂ થશે. બીજી મેચ સાડા આઠથી રમાશે. જે દિવસે ત્રણ મેચનું શેડ્યૂલ હશે, તે દિવસે છેલ્લી મેચ 9:30 વાગ્યે શરૂ થશે.