Pro Kabaddi League: તેલુગ ટાઇટન્સને મળી પ્રથમ જીત, પેન્થર્સને એક પોઈન્ટથી હરાવી

Pro Kabaddi Leageu: પ્રો કબડ્ડી લીગમાં બુધવારે બે મેચ રમાઈ હતી જેમાં પ્રથમ મુકાબલો હરિયાણા સ્ટીલર્સને પુણેરી પલટન સાથે ( haryana steelers vs puneri paltan Result) તો બીજો મુકાબલો તેલુગૂ ટાઇટન્સનો જયપુર પિંક પેન્થર્સ (Jaipur Pink Panthers vs Telugu Titans) સામે હતો. આજના મુકાબલાઓની ખાસ વાત એ રહી હતી કે પ્રો કબડ્ડી લીગમાં આજદિન સુધી એકપણ મેચ ન જીતી શકેલી તેલુગુ ટાઇટન્સને પહેલીવાર મેચમાં જીતનો સ્વાદ ચાખવા મળ્યો હતો.

આજે પીકેએલમાં પ્રથમ મુકાબલો હરિયાણા સ્ટીલર્સને પુણેરી પલટન સાથે ( haryana steelers vs puneri paltan Result) વચ્ચે ખેલાયો હતો. આ મુકાબલામાં હાફ ટાઇમ સુધી મેચ બરાબર જામી હતી અને બંને ટીમનો સ્કોર 14-14 પર સ્થિર હતો. જોકે, બીજા હાફમાં હરિયાણાએ બાજી મારી લીધી હતી. બીજા હાફમાં હરિયાણાએ 37-30થી મુકાબલો જીતી લીધો હતો.

પ્રો કબડ્ડી લીગનો બીજો મુકાબલો તેલુગૂ ટાઇટન્સનો જયપુર પિંક પેન્થર્સ (Jaipur Pink Panthers vs Telugu Titans) વચ્ચે ખેલાયો હતો. અત્યારસુધી લીગમાં જીતની રાહ જોઈ રહેલી તેલુગ ટાઇટન્સને એક પોઈન્ટથી આજે જીત મળી હતી. આજના મુકાબલામાં તેલુગ ટાઇટન્સને 35-34થી જીત થઈ હતી.

હરિયાણા સ્ટીલર્સે પ્રો કબડ્ડી લીગની આ સિઝનમાં 11માંથી ચાર મેચ જીતી છે જ્યારે પાંચમાં હાર મેળવી છે. જ્યારે બે મેચ ટાઇ થઈ છે. ટીમ 29 પોઈન્ટ સાથે નવમાં સ્થાને છે. બીજી બાજુ પુણેરી પલટન 22 પોઈન્ટ સાથે પોઈન્ટ ટેબલમાં 11માં નંબર પર છે. પલટને 11માંથી 4 મેચ જીતી છે.

આજે ટાઇટન્સ પ્રથમ જીત સાથે કુલ 17 પોઈન્ટ મેળવી અને પોઈન્ટ ટેબલમાં બારમાં નંબરે છે. જ્યારે જયપુર પિંક પેન્થર્સ પાંચમાં સ્થાને છે. 11માંથી 5 મુકાબલા જીતી અને 5માં સ્થાને છે.