Asian Gamesમાં આ સુંદર 'જળપરી'એ બનાવ્યો વર્લ્ડ Record

જાપાનની યુવા સ્વિમિંગ સ્ટાર રિકાકો ઈકીએ ઈન્ડોનેશિયામાં રમવામાં આવી રહેલ 18મી એશિયન ગેમ્સમાં 6 ગોલ્ડ અને 2 સિલ્વર મેડલ જીતીને ઈતિહાસ રચિ દીધો છે. રિકી એશિયાઈ રમતમાં 6 ગોલ્ડ મેડલ જીતનારી પ્રથમ  મહિલા ખેલાડી બની ગઈ છે. જ્યારે જાપાને અત્યાર સુધીમાં ચાલી રહેલી એશિયન ગેમ્સમાં 115 મેડલ પોતાના નામે કરી દીધા છે, જેમાં 39 ગોલ્ડ, 32 સિલ્વર અને 44 બ્રોન્ઝ મેડલ સામેલ છે.

જો એશિયન ગેમ્સના ઈતિહાસની વાત કરીએ તો, સૌથી વધારે ગોલ્ડ મેડલ જીતવાનો રેકોર્ડ ઉત્તર કોરિયાના નિશાનેબાજ સો જીન મેનના નામે છે, તેણે વર્ષ 1982માં દિલ્હીમાં 7 ગોલ્ડ અને એક સિલ્વર મેડલ જીત્યો હતો. ઈકીએ તેના મેડલની સંખ્યાની તો બરાબરી કરી લીધી છે, પરંતુ એક ગોલ્ડ મેડલની અછત રહી ગઈ.

ઈકીની ઉંમર માત્ર 18 વર્ષ છે, પરંતુ તેણે 100 મીટર ફ્રીસ્ટાઈલ, 50 મીટર અને 100 મીટર બટરફ્લાય સિવાય 4 ગુણા 100 મીટર ફ્રીસ્ટાઈલમાં ગોલ્ડ પોતાના નામે કર્યો.

4 જુલાઈ 2000ના રોજ રાજધાની ટોકિયોમાં જન્મેલી ઈકો પોતાના દેશની રાષ્ટ્રીય રેકોર્ડ હોલ્ડર સ્વીમર છે. જ્યારે જૂનિયર સ્તર પર 50 મીટર ફ્રીસ્ટાઈલ, 100 મીટર બટરફ્લાય અને 100 મીટર મેડલી વ્યક્તિગતમાં જૂનિયર વિશ્વ રેકોર્ડ બનાવી ચૂકી છે.

ઈકીએ ત્રણ વર્ષની ઉંમરથી જ સ્વિમીંગ પૂલમાં તરવાનું શરૂ કરી દીધુ હતું. જ્યારે તેણે આંતરરાષ્ટ્રીય સ્તર વર્ષ 2014માં જાપાન માટે વિશ્વ કપમાં ડેબ્યુ કર્યું હતું. આનું આયોજન રાજધાની ટોક્યોમાં થયું હતું.

ગત વર્ષે એટલે કે, 2017માં ઈકીને વિશ્વ જૂનિયર ચેમ્પિયનશિપમાં બેસ્ટ ફિમેલ સ્વીમર પણ પસંદ કરવામાં આવી હતી.

ઈકી વર્ષ 2020માં ટોક્યો ઓલિમ્પિકમાં ગોલ્ડ જીતવાનું સપનું લઈને સળંગ પોતાની રમતના સ્તરને શાનદાર બનાવી રહી છે.