ઓરેન્જ કેપ ફરી બની અનલકી, આ કેપ આવે એટલે ટ્રોફી ના આવે

આઈપીએલ-12ની ફાઇનલમાં ચેન્નાઈ સુપરકિંગ્સને રોમાચંક મેચમાં 1 રને હરાવીને મુંબઈ ઇન્ડિચન્સ ચેમ્પિયન બન્યું છે. મુંબઈએ ચોથી વખત ટ્રોફી પોતાના નામે કરી છે. જોકે આઈપીએલની બધી જ સિઝનમાં એક વાત કોમન રહી છે. આ વાત છે ઓરેન્જ કેપની. જે ટીમનો ખેલાડી ઓરેન્જ કેપ જીતે છે તે ટીમ આઈપીએલમાં ચેમ્પિયન બનતી હતી. આ વખતે સનરાઇઝર્સ હૈદરાબાદના ડેવિડ વોર્નરે 12 મેચમાં 692 રન બનાવી ઓરેન્જ કેપ ઉપર કબજો કર્યો હતો. જોકે તેની ટીમ પ્લેઓફમાંથી જ બહાર થઈ ગઈ હતી.આમ ઓરેન્જ કેપ ફરી એક વખત અનલકી બની છે. જોકે આઈપીએલની ફક્ત એક સિઝનમાં ઓરેન્જ મેળવનાર પ્લેયરની ટીમ વિજેતા બની છે. આઈપીએલની સાતમી સિઝનમાં કોલકાતા નાઇટ રાઇડર્સની ટીમ ચેમ્પિયન બની હતી. તે વખતે કોલકાતાના રોબિન ઉથપ્પાએ 660 રન બનાવી ઓરેન્જ કેપ પોતાના નામે કરી હતી. ઉલ્લેખનીય છે કે સૌથી વધારે રન બનાવનાર ખેલાડીને ઓરેન્જ કેપ આપવામાં આવે છે.

વર્ષ - 2018 ઓરેન્જ કેપ - કેન વિલિયમ્સન (સનરાઇઝર્સ હૈદરાબાદ) ચેમ્પિયન - ચેન્નાઈ સુપરકિંગ્સ

વર્ષ - 2017 ઓરેન્જ કેપ - ડેવિડ વોર્નર (સનરાઇઝર્સ હૈદરાબાદ) ચેમ્પિયન - મુંબઈ ઇન્ડિયન્સ

વર્ષ - 2016 ઓરેન્જ કેપ - વિરાટ કોહલી (આરસીબી) ચેમ્પિયન - સનરાઇઝર્સ હૈદરાબાદ

વર્ષ - 2015 ઓરેન્જ કેપ - ડેવિડ વોર્નર (સનરાઇઝર્સ હૈદરાબાદ) ચેમ્પિયન - મુંબઈ ઇન્ડિયન્સ

વર્ષ - 2014 ઓરેન્જ કેપ - રોબિન ઉથપ્પા (કોલકાતા નાઇટ રાઇડર્સ) ચેમ્પિયન - કોલકાતા નાઇટ રાઇડર્સ

વર્ષ - 2013 ઓરેન્જ કેપ - માઇક હસી (ચેન્નાઈ સુપરકિંગ્સ) ચેમ્પિયન - મુંબઈ ઇન્ડિયન્સ

વર્ષ - 2012 ઓરેન્જ કેપ - ક્રિસ ગેઈલ (આરસીબી) ચેમ્પિયન - કોલકાતા નાઇટ રાઇડર્સ

વર્ષ - 2011 ઓરેન્જ કેપ - ક્રિસ ગેઈલ (આરસીબી) ચેમ્પિયન - ચેન્નાઈ સુપરકિંગ્સ

વર્ષ - 2010 ઓરેન્જ કેપ - સચિન તેંડુલકર (મુંબઈ ઇન્ડિયન્સ) ચેમ્પિયન - ચેન્નાઈ સુપરકિંગ્સ

વર્ષ - 2009 ઓરેન્જ કેપ - મેથ્યુ હેડન (ચેન્નાઈ સુપરકિંગ્સ) ચેમ્પિયન - ડેક્કન ચાર્જસ

વર્ષ - 2008 ઓરેન્જ કેપ - શોન માર્શ (કિંગ્સ ઇલેવન પંજાબ) ચેમ્પિયન - રાજસ્થાન રોયલ્સ