ચશ્મા વગર જોઈ શકતો ન હતો, દેશને અપાવ્યો એકમાત્ર ઓલિમ્પિક ગોલ્ડ

11 ઓગષ્ટ 2008, એ તારીખ છે, જ્યારે હિન્દુસ્તાનના એક અજાણ્યા ખેલાડીએ કરોડો દિલને જીતી લીધા હતા. રાતો-રાત આ ખેલાડી જમીનથી-આસમાન પર પહોંચી ગયો. અમે વાત કરી રહ્યા છીએ શૂટર અભિનવ બિંદ્રાની, જેણે આજના જ દિવસે બેઈઝિંગ ઓલિમ્પિકમાં ભારતને ગોલ્ડ મેડલ અપાવ્યો હતો.

અભિનવે 10 મીટર એયર રાઈફલ ઈવેંટમાં ગોલ્ડ મેડલ જીતીને પૂરી દુનિયાને ચોંકાવ્યા હતા. ભારતના ઓલિમ્પિક ઈતિહાસમાં આ પહેલો અવસર હતો, જેમાં કોઈ એથલેટિકે ઈંડિવિઝ્યુઅલ ઈવેંટમાં ગોલ્ડ મેડલ મેળવ્યો હતો.

અભિનવ બિંદ્રાનો બેઈઝિંગ ઓલિમ્પિકમાં ગોલ્ડ મેડલ જીતવાની સફર સરળ ન હતી. આ ખુબ ઓછા લોકોને ખબર હશે કે, જ્યારે અભિનવ બિંદ્રાએ શૂટિંગની શરૂઆત કરી ત્યારે તે ચશ્મા લગાવતો હતો, અને તેના ચશ્માના નંબર - 4 હતા.

ઓલિમ્પિક ચેમ્પિયન બનવાના 2 વર્ષ પહેલા 2006મા અભિનવ બિંદ્રાની કમરની હડ્ડીમાં ઈજા પહોંચી હતી. બિંદ્રાની ઈજા એટલી જબરદસ્ત હતી કે, તેનું કરીયર ખતમ થઈ શકતું હતું, પરંતુ સારવાર અને કેટલીક તકનીકમાં ફેરફાર બાદ તે આ ઈજામાંથી બહાર આવી શક્યો. અને બેઈઝિંગમાં ગોલ્ડ મેડલ પણ જીતી ગયો.

અભિનવ બિંદ્રાએ પોતાના કરિયરમાં કેટલાએ પડાવ પાર કર્યા છે. તેણે માત્ર 14 વર્ષની ઉંમરમાં કોમનવેલ્થ ગેમ્સમાં ડેબ્યૂ કર્યું હતું. 2001માં મ્યૂનિખ શૂટિંગ વર્લ્ડ કપમાં તે બ્રોન્ઝ મેડલિસ્ટ બન્યો. ત્યારબાદ 2001માં તેને રાજીવ ગાંધી ખેલ રત્નથી સન્માનીત કરવામાં આવ્યો. 2006માં તે પહેલો ભારતીય શૂટર બન્યો જેણે વર્લ્ડ ચેમ્પિયનશિપમાં ગોલ્ડ જીત્યો.