ટીમ ઇન્ડિયાના આ ખેલાડીની ગર્લફ્રેન્ડે પિતાને બચાવવા આપ્યું લિવર!

વેસ્ટ ઇન્ડિઝ પ્રવાસ માટે ટીમ ઇન્ડિયાની જાહેરાત થઈ ચુકી છે. ટીમમાં ફાસ્ટ બોલર નવદીપ સૈનીને મોકો મળ્યો છે. નવદીપ સૈની તેની ઝડપને કારણે જાણીતો છે. દિલ્હી રણજી ટીમનો ફાસ્ટ બોલર સૈની 150 કિમી. પ્રતિ કલાકની ઝડપે બોલિંગ કરે છે. આ જ કારણે વર્લ્ડ કપની ટીમ માટે ટીમ ઇન્ડિયાને સૈનીની જરૂર પડી હતી. સૈનીએ રોહિત શર્મા, વિરાટ કોહલી અને ધોની જેવા બેટ્સમેનોને નેટ્સ પ્રેક્ટિસ કરાવી હતી. હવે સૈની ઇન્ડિયાને ટીમમાં જગ્યા મળી ચુકી છે. વેસ્ટ ઇન્ડિઝ વિરુદ્ધ રમાનાર વન ડે અને ટી 20 સીરિઝમાં માટે તેને ટીમમાં સામેલ કરાયો છે. ટીમ ઇન્ડિયાના આ ફાસ્ટ બોલરની ગર્લફ્રેન્ડ પણ ખાસ છે.

રોહતકમાં જન્મેલા નવદીપ સૈનીની ગર્લફ્રેન્ડનું નામ પૂજા બિજારનિયા છે. સોશિયલ મીડિયામાં નવદીપ સૈની ખુલ્લીને પૂજા બિજારનિયા સાથે પ્રેમનો એકરાર કરી ચુક્યો છે.

તાજેતરમાં આઈપીએલ દરમિયાન પૂજા અને નવદીપ સાથે દેખાયા હતા. બંનેએ ટીમના કેપ્ટન વિરાટ કોહલી અને તેની પત્ની અનુષ્કા શર્મા સાથે તસવીર પણ લીધી હતી.

નવદીપ સૈનીની ગર્લફ્રેન્ડ પૂજા ખૂબ જ ખાસ છે. પૂજાએ તેના પિતા માટે એવું કામ કર્યું છે, જેના દાખલા આજે પણ આપવામાં આવે છે.

હકીકતમાં પૂજાએ પોતાના પિતાની જિંદગી બચાવવા માટે પોતાના લીવરનો એક ભાગ દાન કર્યો છે.

પૂજાના પિતાનું લિવર ટ્રાન્સપ્લાન્ટ કરનાર ડોક્ટર રચિત ભૂષણ શ્રીવાસ્તવે વર્ષ 2017માં સોશિયલ મીડિયા પર લોકોને આ અંગેની જાણકારી આપી હતી. ઉલ્લેખનીય છે કે પિતાની સારવાર માટે પૂજા અને તેના પરિવારે તેમની સંપત્તિ પણ વેચવી પડી હતી.

સામાન્ય રીતે અંગદાન માટે લોકો ઇન્કાર કરતા હોય છે, પરંતુ પૂજાએ હસતાં હસતાં પોતાના પિતાને લિવરનો એક હિસ્સો દાનમાં આપ્યો હતો.