રવિન્દ્ર જાડેજાના પત્ની રિવાબા સહિત આ દિગ્ગજ ક્રિકેટરો રમી ચૂક્યા છે રાજકીય ઇનિંગ

રવિન્દ્ર જાડેજાના પત્ની રીવાબા જાડેજા ચૂંટણી મેદાનમાં ઉતર્યા છે. ભારતીય જનતા પાર્ટીએ તેમને ગુજરાત વિધાનસભાની ચૂંટણી માટે જામનગર ઉત્તરમાંથી ટિકિટ આપી છે. રીવાબા રાજપૂત સમુદાયના સંગઠન કરણી સેનાના નેતા રહી ચૂક્યા છે. તે 2019ની લોકસભા ચૂંટણી પહેલા ભાજપમાં જોડાયા હતા.

અનુભવી ક્રિકેટર ગૌતમ ગંભીર પણ થોડા વર્ષો પહેલા જ રાજકારણમાં સક્રિય થયા છે. 2019માં તેઓ ભાજપમાં જોડાયા હતા. હાલ તેઓ દિલ્હીથી લોકસભાના સાંસદ છે. ગૌતમ ગંભીર T20 વર્લ્ડ કપ 2007 અને ODI વર્લ્ડ કપ 2011ની વિજેતા ટીમનો સભ્ય રહી ચૂક્યો છે.

પૂર્વ ક્રિકેટર નવજોત સિંહ સિદ્ધુની ગણતરી દિગ્ગજ નેતાઓમાં થાય છે. તેઓ વર્ષ 2004માં ભાજપમાં જોડાયા હતા. તેઓ સતત 10 વર્ષ સુધી લોકસભાના સાંસદ હતા. 13 વર્ષ સુધી ભાજપમાં રહ્યા બાદ સિદ્ધુ 2017માં કોંગ્રેસમાં જોડાયા હતા. તેઓ પંજાબ કોંગ્રેસ સરકારમાં મંત્રી પણ રહી ચૂક્યા છે.

ભારતીય ટીમના પૂર્વ કેપ્ટન મોહમ્મદ અઝહરુદ્દીન પણ રાજકારણમાં પોતાને અજમાવી ચૂક્યા છે. અઝરુદ્દીન વર્ષ 2009માં કોંગ્રેસ પાર્ટીમાં જોડાયા હતા. 2009ની લોકસભા ચૂંટણીમાં પણ તેઓ ઉત્તર પ્રદેશની મુરાદાબાદ બેઠક પરથી ચૂંટણી જીત્યા હતા.

ભૂતપૂર્વ ઓલરાઉન્ડર કીર્તિ આઝાદ 1983 વર્લ્ડ કપ વિજેતા ટીમના સભ્ય હતા. તેઓ લાંબા સમયથી ભાજપના મોટા નેતાઓમાં સામેલ હતા. આ પછી તેઓ કોંગ્રેસમાં જોડાયા.